Таш-Көмүр шаарына караштуу мектептерде китеп окуу көндүмдөрүн күчөтүү жагына абдан чоң көңүл бурулуп,масштабдуу тренингдер өткөрүлүүдө
Таш-Көмүр шаардык билим берүү бөлүмүнө караштуу жалпы №1-14 мектептерде “Эмне үчүн китеп окушубуз керек ”деген темада масштабдуу тренинг старт алды.Профсоюз уюмунун Жаштар Кеңешинин төрагасы Дайырбек уулу Манас жана “Кыргыз Жаш-Күч”коомдук бирикмесинин тренери Чыңгыз Урматаалиевдин демилгеси менен мектеп окуучуларына,алардын ата-энелерине,шаардык китепканаларга,алардын жумушчуларына жана каалоочуларга тренингдер өткөрүлүп,коомдо жакшы колдоого ээ болуп жатат.Ошондой эле ушул эле тренинг мектеп директорлоруна жана тарбия иштер боюнча директордун жардамчыларына дагы уюштурулду.
16.03.2020 455 Кесиптик бирлик региондордо«БИЗ КЫЛМЫШТУУЛУК ЖАНА УКУК БУЗУУЧУЛУККА КАРШЫБЫЗ!!!»
Кылмыштуулуктун алдын алуу боюнча Кадамжай районунун Бирлик айыл аймагына караштуу Эшме айылындагы «Эшме» орто мектебинде «Биз кылмыштуулукка жана укук бузуучулукка каршыбыз!!!» - деген темада семинар өткөрүлдү. Семинарга жетекчилер, мугалимдер, айыл өкмөттөн аксакалдар, айылдык сотунан жана айылдык депутаттардын өкүлдөрү келип 8-9-10-11- класстардын окуучулары менен жолугушуу болуп өттү. Семинардын максаты - өспүрүмдөр арасында кылмыштуулуктун алдын алуу жана талап-тоноо, араздашуу сыяктуу көмүскөдөгү терс көрүнүштөрдү ачыкка чыгарып, кесепеттери менен күрөшүү.
13.03.2020 1363 Кесиптик бирлик региондордо“Жоокер ыры”
2020-жылдын 5-март күнү Лейлек районунун Т.Жапаров атындагы орто мектебинде Кыргыз Республикасынын Билим берүү жана илим министрлигинин Улуу Ата Мекендик согуштагы Жеңиштин 75 жылдыгына карата “Аскердик атуулдук ырлардын республикалык кароо-сынагы өткөрүү” жөнүндөгү буйругуна ылайык “Жокер ыры” аттуу кароо-сынактын райондук туру өткөрүлдү. Иш чарага №1 гимназия, В.И.Ленин, А.Навои, Б.Набиев, Х.Боронбаев атындагы, “Ак-Суу”, “Ак-Терек”, “Тайлан”, “Кара-Булак”, “Катраң” орто мектептеринин окуучулары катышып, кароо-сынак 3 номинация согуш темасындагы ырлар, патриоттук ырлар, көркөм окуу боюнча өткөрүлүп, калыстар тобунун курамын райондук аскер комиссариатынын кызматкери, балдар чыгармачылык борборунун жетекчиси жана райондук билим берүү бөлүмүнүн усулчулары түзүштү.
13.03.2020 653 Кесиптик бирлик региондордоАялдардын эл аралык майрамына карата спорттук иш чара өткөрүлдү
8-март Аялдардын эл аралык майрамына карата №1 Тоту Мойдунов атындагы Макмал жалпы билим берүүчү орто мектебинде мугалимдер арасында “Унутта калган кыргыз оюндары” деген темада эжекелер арасында көңүлдүү старт 7-март күнү мектептин спорт залында өткөрүлдү. Спорттук иш чарага жалпы 6 команда катышып, жеңүүчү командаларга билим берүү жана илим кызматкерлеринин профсоюзунун райондук комитети тарабынан “Ардак грамота” жана акчалай сыйлык менен сыйланышты. Майрамга карата спорттук иш чараны уюштуруп бергендиги үчүн мугалимдер ыраазычылыктарын билдиришти.
11.03.2020 450 Кесиптик бирлик региондордоПрофсоюз комитетинин кезектеги отуруму өткөрүлдү
"Аймактарды өнүктүрүү жана балдарды колдоо" жылына карата 2020-жылда аткарыла турган иштер боюнча профсоюз комитетинин төрагасы Сагын Камчыбеков билдирүү жасады. 2019-жылы иш планда көрсөтүлгөн иштер толугу менен аткарылды. Жылдын жыйынтыгы чыгарылып, профсоюз комитети отчеттук чогулушун өткөрдү. Ал эми жаңы 2020-жылга карата иш пландар түзүлүп, аткарылуучу иштер белгиленди. "Мыкты профсоюз комитети" конкурсун уюштуруу, жайкы эс алууларды белгилөө, келип түшкөн арыздарга жооп берүү, материалдык жардамга муктаж мүчөлөргө жардам көрсөтүү жагы белгиленди. Профсоюз комитети кесип бирлик мүчөлөрүн коргоочулар эмеспи.Материалдык жардам керектүү мүчөлөргө, көйгөйлөрдү чечүүгө жардам берүү керек. Сметалар, токтомдор өз убагында тапшырылып, сметанын негизинде бөлүнгөн профвызностор өз убагында берилди. Мыкты иштеген профсоюз комитети жайкы кыска мөөнөттүү эс алууга жолдомолорго ээ болушат. Кесип бирлик мүчөлөрүнүн көп жылдан бери иштеп жатканын, ийгиликке жетишкендер, юбилярлар белгиленип, аз да болсо кызыктыруучу сыйлыктар менен сыйланып турушат.
11.03.2020 464 Кесиптик бирлик региондордоАк калпак күнүнө карата иш чаралар өткөрүлдү
Жыл сайын 5-март күнү улуттук баш кийимди даңазалоо иш-чаралары жаштар тарабынан активдүү өткөрүлүп келатат. Быйылда Кадамжай районунда 5-март Ак-калпак күнүнө карата Чон-Кара айыл аймагына караштуу «Чон-Кара» орто мектебинде, Халмион айыл аймагына караштуу «Достук» орто мектебинде, Абсамат айыл аймагына караштуу «Б.Примов» орто мектебинде, Уч-Коргон айыл аймагындагы «А.Жомий» атындагы орто мектебинде, Уч-Коргон айыл аймагындагы “Айни” орто мектебинде, Кок-Талаа айыл аймагына караштуу “К.Саттаров” атындагы орто мектебинде жана Советское айыл аймагындагы «№21 Кан» орто мектептеринде окуучулардын катышуусунда иш чара өткөрүлдү. Аталган иш чарага профсоюз комитетинин төрагасы А.Момошов, мугалимдердин жана окуучулардын катышуусунда өттү. Иш чара жөө жүрүш менен башталып, андан соң 2011-жылдын 5-мартынан бери белгиленип келе жаткан бул майрам, 5-март-Ак калпак күнү деп 2011-жылы жарыяланганын анын негиздөөчүсү Рысбек Жабиров бул күн 2016-жылдан тарта Кыргызстандын аймактарында жана чет өлкөдө мекендештерибиз тарабынан расмий түрдө белгиленип келетканын окуучулардын эсине салып өттү. Ушул күнү ак калпакчан жигиттер жөө жүрүшкө чыгып, ар кандай иш-чараларга катышат.
11.03.2020 1328 Кесиптик бирлик региондордоАсыл зат айымдар майрамы!
“8-март- Аялдардын Эл аралык тилектештик күнү”- майрамына карата Б.Осмонов атындагы Жалал-Абад мамлекеттик университетинин бардык факультеттеринде, колледждеринде жана бөлүмдөрүндө иш чаралар уюштурулуп, кызыктуу программадагы концерттер тартууланып, белектер менен гүл дестелер тапшыруу салтка айланган. ЖАМУнун профсоюздук комитети да, жыл сайын, асылзат айымдардын майрамын куттуктап, гүлдестелер менен жана окуу жайыбыздын бардык окуу имараттарын куттуктоо жарнактары менен камсыз кылууну каржылап, майрамдык шаңга колдоо көрсөтүп келүүдө. 4-марттан баштап күн сайын эрте менен биринчи сабакка келген окутуучу-айымдарды гул менен тосуу улантылып жатат 5-март күнү Экономика-юридикалык факультетинин майрамдык иш чарасы өткөлүлдү. Ал эми ЖАМУнун Жалал-Абад колледжинин жамаатынын иш чарасы “Санжыра” этно-эс алуу борборунда улантылып, айымдарга көңүлдүү эс алуу тартууланды. Иш чаралар бүгүн да улантылууда... Урматтуу Айымдар! Майрамыңыздар менен!!! Ар дайым эрте таңдай аруулугунуздардан жазбай, жазгы күндөй жадырап, толгон айдай толукшуп жүрө бериңиздер!...
09.03.2020 663 Кесиптик бирлик региондордоТуубуз бар мамлекетибиз бар, калпагыбыз бар элибиз бар!
Бүгүн Жалал Абад шаарындагы С.Давлетов атындагы №14 инновациялык мектеп лицейинде 3-март Кыргыз Республикасынын мамлекеттик туусунун күнү жана 5-март "Ак калпак" күнүнө арналган салтанаттуу линейка болуп өттү. Анда мектеп директору К.Мамытова жана баштапкы профсоюз уюмунун төрайымы Г.Алимбековалар катышты. Салтанаттуу линейкада мектеп окуучулары тарабынан даярдалган ыр, бийлер тартууланды.
09.03.2020 501 Кесиптик бирлик региондордоТААМАЙ СУРООГО ТААМАЙ ЖООПТОР...
Ош гуманитардык-педагогикалык институтунун Колледжинде “Студенттин сынагына сынбайсынбы” аттуу шоу программадагы кече болуп өттү. Аталган программа салттуу түрдө үзгүлтүксүз өтүп келүүдө жана бул жолку сынактын коногу ОГПИнин илимий иштер боюнча проректору Обдунов Элмурат Абдувапочич болду. Студенттердин бир топ таасындуу жана аларды кызыктырган суроолоруна кеченин коногу бирде сынса, бирде сынбай өзгөчө шаңдуу аура куруу менен катышуучуларга ачык-айкын жооп берип, кенен жана эркин маек курду.
09.03.2020 506 Кесиптик бирлик региондордоМамлекеттик Туу күнү белгиленди
1992-жылы 3-мартта – Кыргыз мамлекетинин кырмызы кызыл Туусунун күнү. Бул 1991-жылы 31-августта Кыргызстан эгемендүүлүккө ээ болгон тарыхый учурда болгон. Эгемен мамлекеттин өз алдынчалыгын далилдеген негизги белгилер болуп саналат. Бүгүн 3-март Кыргыз Республикасынын мамлекеттик Туу күнүнө карата Кадамжай районуна караштуу Уч-Коргон айыл аймагындагы «А.Жомий» атындагы орто мектебинде, Мин-Чынар айыл аймагындагы «Мин-Чынар» башталгыч мектебинде, Советское айыл аймагындагы №21 «Кан» орто мектептеринде жана Чон-Кара айыл аймагына караштуу «Чон-Кара» орто мектептеринде иш-чара болуп өттү.
09.03.2020 946 Кесиптик бирлик региондордо«Элимдин эртени-эне тилинде»
21- февраль Эне тил күнү катары 1999-жылы ЮНЕСКО тарабынан бекитилип, 2000-жылдан тарта белгилене баштаган, дал ошол 21-февраль–Дүйнөлүк эне тил күнүнө арналган иш чара Кадамжай районунун Майдан айыл аймагындагы Исфайрам орто мектебининде да болуп өттү. Аталган иш чарага Билим жана илим кызматкеринин профсоюзунун Кадамжай райондук комитетинин төрагасы А.Момошов, Билим берүү бөлүмүнүн усулкана башчысы А.Сарымсаков, мектептин мугалимдеринин катышуусунда өттү. Иш чараны Мамытова Айгүл «Элимдин эртени-эне тилинде »- деген темада 3-а классынын окуучулары менен биргеликте өткөрдү. иш чаранын башынды окуучуларды эки тайпага бөлүп биринчи тайпа боз үй экинчи тайпа калпак деп аталды. Иш чаранын жүрүшүндө эки тайпа бири-бири менен макал айтышып жарышышты андан соӊ мугалим чыгып окуучуларга ата-бабаларыбыздан калган каада-салттарды, үрп адаттарды, ырым-жырымдарды, көргөзмо куралдарды жана балдар бала чагынан эле ата-энесинин жардамчысы жана жөлөк-таягы болуп, күнүмдүк оокатка кол кабыш кылып келгенин айтып өттү. Иш чаранын максаты жаш өспүрүмдөрдү эне тилин, кыргыз тилин сүйүүгө чакыруу. Иш чаранын жүрүшүндө жаш өспүрүмдөр ырдашып, бийлешип келген конокторго жагымдуу маанай тартуулашты. Акырында мугалим менен окуучулар эне тил жөнүндө торт сап хор ыр айтышып жыйынтыкташты.
05.03.2020 580 Кесиптик бирлик региондордо