Центральный комитет профсоюза работников образования и науки Кыргызской Республики

Центральный комитет профсоюза

работников образования и науки Кыргызской Республики

Профсоюз в регионах

Областтык профсоюз комитетинен Памирлик этникалык кыргыздарга жардам

Областтык  профсоюз комитетинен  Памирлик  этникалык  кыргыздарга  жардам

Билим, илим кызматкерлеринин областтык профсоюз комитетинин төрагасы С.А.Тойгонбаев , башкы инспектор Э.Т.Ажиматовдор 2020-жылдын 17-мартында Алай районунун Сары-Могол айыл өкмөтүнүн Сары-Могол айылындагы №53 Х.Алимсеитов атындагы орто мектебинин эски корпусунда жашап жатышкан боордош Памирлик кыргыздардан жана алардын сабатсыздыгын жоюп жатышкан балдарынан кабар алып, алар менен баарлашып, алып барган жардамдарын беришип ыраазычылыктарын алып кайтышты. Жалпысынан боордошторго ун, ак май, күрүч, макарон, ак кант, пияз, эт, конфет, печеньелерден турган 30 миң сомдук тамак-аш азыктары жеткирилди. Областтык профсоюз комитетинен барган өкүлдөргө 77 жаштагы Памирлик Эне – Бүбай эне, айыл өкмөтү баш болгон атуулдар ак баталарын беришип, ак дил каалоолорун айтышты. Ошондой эле билим берүү бөлүмүнүн башчысы М.О.Мусаев райондук мамлекеттик администрациясынын башчысы-аким З.С.Молдокуловдун жана райондогу билим берүү кызматкерлеринин атынан ыраазычылык билдирип, профсоюз тармагындагы иштерге ийгиликтерди каалады .

 20.03.2020      22

Билим берүү жана илим кызматкерлеринин профсоюзунун VII съездинин алдыдагы максаттары жана милдеттери

Билим берүү жана илим кызматкерлеринин профсоюзунун VII съездинин алдыдагы  максаттары жана милдеттери

Билим берүү жана илим кызматкерлеринин VII съезди  2020-жылдын 3-мартында тармактык профсоюздун эң жогорку башкаруу органынын делегаттары жана конокторунун катышуусунда өткөрүлдү.Бул съездде 2015-2019-жылдар арлыгында аткарылган иштердин отчёту берилип,профсоюз мүчөлөрүнүн уюмдашуу жагдайынын сандык өсүшкө ээ болуусу,жаштар менен иштөө алардын укуктарын коргоо,ар тараптуу колдоо көрсөтүү иштери колго алынгандыгы баса белгиленди.Ошондой эле профсоюз уюмдарынын алгылыктуу аракеттеринин натыйжасында социалдык өнөктөштүк мамилелери чыңдалып,республикалык,областтык,шаардык,райондук,мектептик,бала бакчалык башка уюмдук макулдашуулар жана жамааттык келишимдер түзүлүп,аткарылышы көзөмөлгө алуу жактары жолго коюлгандыгы мындан нары дагы күчөтүлөөрү айтылды. Съезддин күн тартибинде каралган маселерди угуп,катышкан жалпы делегаттар профсоюз уюмунун алып барган иштери канааттандырарлык деп табышып алдыга койгон максаттары жана милдеттерди ишке ашыруунун жолдорун ачык айтышып,жер жерлерде баштапкы профсоюз уюмдарына жеткирүү жагына милдеттенип кайттык. Биринчиден профсоюз мүчөлөрүнүн социалдык-эмгектик укуктарын жана кызыкчылыктарын коргоо,эмгек мыйзамдуулугунун аткарылышына көзөмөл жүргүзүүнү күчөтүү.

 16.03.2020      45

Кыргыз Республикасынын билим жана илим кызматкерлеринин кесиптик бирлигинин VII съезди биз жаштарга жакынкы келечек үчүн багыт берди

Кыргыз Республикасынын билим жана илим кызматкерлеринин кесиптик бирлигинин VII съезди биз жаштарга жакынкы келечек үчүн багыт берди

2020-жылдын 3-мартында Бишкек шаарында Кыргыз Республикасынын билим жана илим кызматкерлеринин кесиптик бирлигинин VII съезди болуп өттү. Анда республика боюнча жалпы тармактык профсоюздан 120 делегат катышып, алардын 35 % жаштар түздүк. Съезддин жүрүшүндө Борбордук Комитеттин төрагасы Токтогулов Асылбек Токтогуловичтин жана текшерүү комиссиясынын төрагасы Урбаев Улан Шаймергеновичтин өткөн 5 жылда аткарылган иштер жөнүндөгү отчету угулду. Делегаттар тарабынан 5 жыл аралыгында Борбордук Комитет тарабынан аткарылган иштер “канааттандырарлык” деп бааланды. Борбордук Комитеттин 2017-жылдын 11-апрелиндеги Президиумунда бекитилген “Жаштар Кеңеши жөнүндөгү” жобосу тармактык профсоюзда жаштар иштерин ишке ашырууда, жаш адистердин эмгек укуктарын коргоодо, колдоодо, социалдык-экономикалык маселелерин чечүүдө өбөлгө түзүүдө.

 16.03.2020      39

Таш-Көмүр шаарында жалпы жазгы ишембилик өткөрүлдү

Таш-Көмүр шаарында жалпы жазгы ишембилик өткөрүлдү

13-14-мартта Таш-Көмүр шаарында айлана-чөйрөгө жалпы шаардык ишембилик өткөрүлдү. Бул ишембиликте шаардын тургундары менен биргеликте мектептин мугалимдери,мекеме ишканалардын жумушчулары активдүү катышышты. Ишембиликке жалпы 2250 адам катышып, 49 тонна таштандылар чыгарылды. Мектептин мугалимдери жана кенже кызматкерлери көчө бойлой шаардын санитардык абалын жакшыртуу жана коомчулукка үлгү көрсөтүү менен тазалоо иштерин аткарышты.

 16.03.2020      24

Таш-Көмүр шаарына караштуу №10 А.Омонов атындагы жалпы билим берүүчү орто мектебинин профсоюз уюмунун башчысынын жугуштуу ооруулар жөнүндөгү сабактары өткөрүлдү

Таш-Көмүр шаарына караштуу №10 А.Омонов атындагы жалпы билим берүүчү орто мектебинин профсоюз уюмунун башчысынын жугуштуу ооруулар жөнүндөгү сабактары өткөрүлдү

2020-жылдын 13-мартында Таш-Көмүр шаарына караштуу №10 А.Осмонов атындагы жалпы билим берүүчү орто мектебинде көп жылдан бери эмгектенип келе жаткан жана профсоюз уюмунун башчысы Жамила Бакирова позитивдүү тарбия иш-чарасынын алкагында “Микробдор каяктан келел”темасында ачык тарбиялык сааттарды өткөрүп,окуучуларга жугуштуу ооруулар жөнүндө кеңири маалымат берүү менен өздүк гигиенасын кантип сактоонун жолдорун үрөттү.Ошондой эле бул иш-чарага жалпы мугалимдер жамааты катышып,эжекенин алгылыктуу иштерине мектеп жетекчилигинин атынан ыраазычылык билдиришти.

 16.03.2020      27

Таш-Көмүр шаарына караштуу мектептерде китеп окуу көндүмдөрүн күчөтүү жагына абдан чоң көңүл бурулуп,масштабдуу тренингдер өткөрүлүүдө

Таш-Көмүр шаарына караштуу мектептерде китеп окуу көндүмдөрүн күчөтүү жагына абдан чоң көңүл бурулуп,масштабдуу тренингдер өткөрүлүүдө

Таш-Көмүр шаардык билим берүү бөлүмүнө караштуу жалпы №1-14 мектептерде “Эмне үчүн китеп окушубуз керек ”деген темада масштабдуу тренинг старт алды.Профсоюз уюмунун Жаштар Кеңешинин төрагасы Дайырбек уулу Манас жана “Кыргыз Жаш-Күч”коомдук бирикмесинин тренери Чыңгыз Урматаалиевдин демилгеси менен мектеп окуучуларына,алардын ата-энелерине,шаардык китепканаларга,алардын жумушчуларына жана каалоочуларга тренингдер өткөрүлүп,коомдо жакшы колдоого ээ болуп жатат.Ошондой эле ушул эле тренинг мектеп директорлоруна жана тарбия иштер боюнча директордун жардамчыларына дагы уюштурулду.

 16.03.2020      22

«БИЗ КЫЛМЫШТУУЛУК ЖАНА УКУК БУЗУУЧУЛУККА КАРШЫБЫЗ!!!»

«БИЗ КЫЛМЫШТУУЛУК ЖАНА УКУК БУЗУУЧУЛУККА КАРШЫБЫЗ!!!»

Кылмыштуулуктун алдын алуу боюнча Кадамжай районунун Бирлик айыл аймагына караштуу Эшме айылындагы «Эшме» орто мектебинде «Биз кылмыштуулукка жана укук бузуучулукка каршыбыз!!!» - деген темада семинар өткөрүлдү. Семинарга жетекчилер, мугалимдер, айыл өкмөттөн аксакалдар, айылдык сотунан жана айылдык депутаттардын өкүлдөрү келип 8-9-10-11- класстардын окуучулары менен жолугушуу болуп өттү. Семинардын максаты - өспүрүмдөр арасында кылмыштуулуктун алдын алуу жана талап-тоноо, араздашуу сыяктуу көмүскөдөгү терс көрүнүштөрдү ачыкка чыгарып, кесепеттери менен күрөшүү.

 13.03.2020      75

“Жоокер ыры”

“Жоокер ыры”

2020-жылдын 5-март күнү Лейлек районунун Т.Жапаров атындагы орто мектебинде Кыргыз Республикасынын Билим берүү жана илим министрлигинин Улуу Ата Мекендик согуштагы Жеңиштин 75 жылдыгына карата “Аскердик атуулдук ырлардын республикалык кароо-сынагы өткөрүү” жөнүндөгү буйругуна ылайык “Жокер ыры” аттуу кароо-сынактын райондук туру өткөрүлдү. Иш чарага №1 гимназия, В.И.Ленин, А.Навои, Б.Набиев, Х.Боронбаев атындагы, “Ак-Суу”, “Ак-Терек”, “Тайлан”, “Кара-Булак”, “Катраң” орто мектептеринин окуучулары катышып, кароо-сынак 3 номинация согуш темасындагы ырлар, патриоттук ырлар, көркөм окуу боюнча өткөрүлүп, калыстар тобунун курамын райондук аскер комиссариатынын кызматкери, балдар чыгармачылык борборунун жетекчиси жана райондук билим берүү бөлүмүнүн усулчулары түзүштү.

 13.03.2020      29

Аялдардын эл аралык майрамына карата спорттук иш чара өткөрүлдү

Аялдардын эл аралык майрамына карата спорттук  иш чара өткөрүлдү

8-март Аялдардын эл аралык майрамына карата №1 Тоту Мойдунов атындагы Макмал жалпы билим берүүчү орто мектебинде мугалимдер арасында “Унутта калган кыргыз оюндары” деген темада эжекелер арасында көңүлдүү старт 7-март күнү мектептин спорт залында өткөрүлдү. Спорттук иш чарага жалпы 6 команда катышып, жеңүүчү командаларга билим берүү жана илим кызматкерлеринин профсоюзунун райондук комитети тарабынан “Ардак грамота” жана акчалай сыйлык менен сыйланышты. Майрамга карата спорттук иш чараны уюштуруп бергендиги үчүн мугалимдер ыраазычылыктарын билдиришти.

 11.03.2020      38

Профсоюз комитетинин кезектеги отуруму өткөрүлдү

Профсоюз комитетинин кезектеги отуруму өткөрүлдү

"Аймактарды өнүктүрүү жана балдарды колдоо" жылына карата 2020-жылда аткарыла турган иштер боюнча профсоюз комитетинин төрагасы Сагын Камчыбеков билдирүү жасады. 2019-жылы иш планда көрсөтүлгөн иштер толугу менен аткарылды. Жылдын жыйынтыгы чыгарылып, профсоюз комитети отчеттук чогулушун өткөрдү. Ал эми жаңы 2020-жылга карата иш пландар түзүлүп, аткарылуучу иштер белгиленди. "Мыкты профсоюз комитети" конкурсун уюштуруу, жайкы эс алууларды белгилөө, келип түшкөн арыздарга жооп берүү, материалдык жардамга муктаж мүчөлөргө жардам көрсөтүү жагы белгиленди. Профсоюз комитети кесип бирлик мүчөлөрүн коргоочулар эмеспи.Материалдык жардам керектүү мүчөлөргө, көйгөйлөрдү чечүүгө жардам берүү керек. Сметалар, токтомдор өз убагында тапшырылып, сметанын негизинде бөлүнгөн профвызностор өз убагында берилди. Мыкты иштеген профсоюз комитети жайкы кыска мөөнөттүү эс алууга жолдомолорго ээ болушат. Кесип бирлик мүчөлөрүнүн көп жылдан бери иштеп жатканын, ийгиликке жетишкендер, юбилярлар белгиленип, аз да болсо кызыктыруучу сыйлыктар менен сыйланып турушат.

 11.03.2020      44

Ак калпак күнүнө карата иш чаралар өткөрүлдү

Ак калпак күнүнө карата иш чаралар өткөрүлдү

Жыл сайын 5-март күнү улуттук баш кийимди даңазалоо иш-чаралары жаштар тарабынан активдүү өткөрүлүп келатат. Быйылда Кадамжай районунда 5-март Ак-калпак күнүнө карата Чон-Кара айыл аймагына караштуу «Чон-Кара» орто мектебинде, Халмион айыл аймагына караштуу «Достук» орто мектебинде, Абсамат айыл аймагына караштуу «Б.Примов» орто мектебинде, Уч-Коргон айыл аймагындагы «А.Жомий» атындагы орто мектебинде, Уч-Коргон айыл аймагындагы “Айни” орто мектебинде, Кок-Талаа айыл аймагына караштуу “К.Саттаров” атындагы орто мектебинде жана Советское айыл аймагындагы «№21 Кан» орто мектептеринде окуучулардын катышуусунда иш чара өткөрүлдү. Аталган иш чарага профсоюз комитетинин төрагасы А.Момошов, мугалимдердин жана окуучулардын катышуусунда өттү. Иш чара жөө жүрүш менен башталып, андан соң 2011-жылдын 5-мартынан бери белгиленип келе жаткан бул майрам, 5-март-Ак калпак күнү деп 2011-жылы жарыяланганын анын негиздөөчүсү Рысбек Жабиров бул күн 2016-жылдан тарта Кыргызстандын аймактарында жана чет өлкөдө мекендештерибиз тарабынан расмий түрдө белгиленип келетканын окуучулардын эсине салып өттү. Ушул күнү ак калпакчан жигиттер жөө жүрүшкө чыгып, ар кандай иш-чараларга катышат.

 11.03.2020      161