Сузакта тегерек стол өткөрүлдү
Жалал-Абад областына караштуу Сузак районунда Билим берүү жана илим кызматкерлеринин профсоюзунун Сузак райондук комитетинин демилгеси менен “Райондогу билим берүү кызматкерлеринин социалдык-экономикалык кызыкчылыктарын жана укуктарын “Региондорду өнүктүрүү жана өлкөнү санариптештирүү жылында” Макулдашуулар жана жамааттык келишимдер аркылуу өз алдынча башкаруу органдары менен биргеликте коргоонун абалы жана алдыдагы милдеттер жөнүндө” тегерек стол өткөрүлдү.
01.04.2019 633 Кесиптик бирлик региондордоАксы районунда "жылдын мугалими" конкурсу өткөрүлдү
Аксы районунда 2019-жылдын 27-мартында "Аймактарды өнүктүрүү жана санариптештирүү "жылына карата зоналарда райондун билим берүү бөлүмү жана кесип бирлик комитети биргеликте уюштурган "2019-жылдын мыкты мугалими, мыкты тарбиячысы"конкурсу өткөрүлдү. Конкурста өтүнгөн ачык сабактардын тарбиялык маанилери, мугалимдердин чеберчилиги, турмуш менен байланышы, элдик педагогиканын колдонушу, предметтик байланышы, окуучулардын активдүүлүгү, мугалимдердин портфолиосу , техникалык каражаттардын колдонулушу каралды. Жогоруда айтылган критерийлер боюнча сабактардын мыктылары тандалды. Актуалдуу темадагы сабактарды отушту. Мисалы :"Менин асыл талабым, онуксо экен аймагым" , "Кыргыз жерим эн сулуу, дүйнө эли тааныган" ,"Адамга эн кыйыны күн сайын адам болуу " . Конкурстун катышуучулары изденүүчүүк, чеберчилик менен даярданышкан. "Мыкты мугалим "деп Ү. Турдубаев мектебинин математика мугалими Саматова Мунара тандалды. Ал эми "Мыкты тарбиячысы"конкурсунун жеңүүчүсү Т. Уметалиев мектебинин мугалими табылды. Жеңүүчүлор райондук турга жолдомо алышты.
01.04.2019 582 Кесиптик бирлик региондордоЖашоонун сергек мүнөзү
Чүй райондук билим берүү кызматкерлеринин профсоюзу 2019-Региондорду өнүктүрүу жана өлкөнү санариптештирүү жылына карата билим берүү кызматкерлеринин арасында “Жашоонун сергек мүнөзү- чын ден соолук” деген лозунгдун алдында жазгы Спартакиада уюштурду. Спартакиаданын максаты билим берүү кызматкерлеринин ден соолугун чындоого, жашоонун сергек мүнөзүнө чакырууга багытталган. Спартакиада райондун 4 регионунда 2019-жылдын 23-мартында ачылган. Спорттун 3 түрү: волейбол, стол тенниси, тогуз коргоол менен коштолгон оюндар Чүй мектеп интернатында, И.Борончиев атындагы, Б.Маленов атындагы, В.Ф.Марков атындагы орто мектептеринде өткөрүлдү.
01.04.2019 753 Кесиптик бирлик региондордоЭмгекти коргоо
2019-жылдын 28-мартында Ош облусунун Араван районуна караштуу "Гүлбаар" мектепке чейинки билим берүү уюмунда "Өзгөчө кырдаалдардын алдын алуу жана анын кесепеттерин жоюу" боюнча райондук семинар өткөрүлдү. Семинарга Ош билим берүү институтунун адиси Ж. Кудайкулова, Араван районунун мамлекеттик администрациясынын өкүлү М. Алибаева, Араван райондук билим берүү бөлүмүнүн башчысы М.Т. Ахматалиев, райондук билим берүү кызматкерлеринин кесиптик бирлигинин төрагасы Б.А. Турдубаев райБББнын жетектөөчү адиси У.И. Токуров, райБББнын усулчусу Ю. Д. Рахимкулов, Кыргыз Республикасынын Өзгөчө кырдаалдар министрлигинин Араван райондук бөлүмүнүн адистери М. Абаев, Керме-Тоо айыл өкмөтүнүн башчысы С.Т. Гулжигитов жана Араван районуна караштуу бардык мектепке чейинки билим берүү мекемелеринин жетекчилери катышышты. Семинар 3 бөлүктөн туруп, биринчи бөлүгүндө "Мектепке чейинки билим берүү мекемесиндеги окуу-тарбия иштери", 2- бөлүгүндө "Өзгөчө кырдаалдар боюнча практикалык сабак", 3-бөлүгүндө Эмгекти коргоо боюнча кызуу талкуу жүргүзүлдү.
01.04.2019 644 Кесиптик бирлик региондордо“Жылдын мыкты тарбиячысы - 2019”
Лейлек районунун билим берүү бөлүмүнө караштуу мектепке чейинки билим берүү мекемелеринин тарбиячыларынын арасында “Жылдын мыкты тарбиячысы- 2019” кароо сынагынын регионалдык туру үстүбүздөгү жылдын 26-март күнү райондун 3 бала бакчасында өткөрүлдү. Сынак билим берүү бөлүмүнүн башчысы жана профсоюз уюмунун төрагасынын макулдугу менен бекитилген жобого ылайык өткөрүлүп, сынактын максаты мектепке чейинки билим берүү деңгээлинин потенциалын кеңейтүү, алдыңкы педагогикалык тажрыйбаны жайылтуу, мыкты, таланттуу, чыгармачылык менен эмгектенген тарбиячыларды эмгекке шыктандыруу, кесипке болгон кызыгуусу үчүн аларга жеткиликтүү шарттарды түзүү, тарбиячылардын чыгармачылык деңгээлин көтөрүү, коомчулуктун арасында тарбиячылардын кадыр баркын, мындан аркы кесиптик чеберчилигин жогорулатуу болуп саналат.
01.04.2019 1223 Кесиптик бирлик региондордоОш МУнун студенттик акыйкатчы аппараты шаарга көчөт отургузду
Ош МУнун студенттик акыйкатчы аппараты тарабынан Ош шаарында Сулайман-Тоого шаарыбызды жашылдандыруу жана көрктөндүрүү максатында көчөттөр отургузулду. Бул саамалыкка университетибиздин профсоюз комитетинин төрагасы Аккулов Абдижапар, социалдык жана тарбия иштери боюнча проректор Түмөнбай Колдошов агайларыбыз жакындан көмөк көрсөтүп, өздөрү да катышышты. Жалпысынан 120 бак тигилди. Алма, алмурут, анар, бадам, өрүктүн көчөттөрү бар.
01.04.2019 633 Кесиптик бирлик региондордоСПОРТ – ДЕН СООЛУКТУН БУЛАГЫ
Билим берүү кызматкерлеринин кесиптик бирлигинин Сүлүктү шаардык комитети тарабынан жыл сайын март айында жазгы каникул учурунда шаардык билим берүү кызматкерлеринин арасында спартакиада уюштуруп келет. Мына ошол салтка айланган спартакиада быйылкы “2019-жыл Региондорду өнүктүрүү жана өлкөнү санариптештирүү жылына” карата «Ден соолук – 2019» деп аталып, 2019-жылдын 25-мартынан 27 мартына чейин В.И.Ленин атындагы №1 орто мектебинде уюштурулду.
29.03.2019 1172 Кесиптик бирлик региондордоДүйнөлүк деңгээлдеги ийгилик
2019-жылдын 14-21-март күндөрү Бириккен Араб Эмираттарынын Абу Даби шаарында интеллектуалдык жактан мүмкүнчүлүгү чектелген спортчулар арасында спорттун жеке жана командалык 24 түрү боюнча олимпиада оюндары болуп өттү. Ага Кыргызстандан 6 спортчу катышып, алардан экөө Ноокен районундагы Ж.Ниязов атандагы көмөкчү жатак мектебинен 9-классынын окуучусу Гулзада Калыкул кызы, 8-классынын окуучусу Тариэль Эмилбек уулу машыктыруучусу дене-тарбия мугалими Зайирбек Сатаровдун жетектөөсүндө барып катышып келишти.
27.03.2019 758 Кесиптик бирлик региондордоО Дооронбеке Садырбаеве
13 февраля в городе Бишкеке прошло поминальное собрание посвященное памяти общественно- политического деятеля Дооронбека Садырбаева и презентация сборника произведений в 5 томах «Даанышман» («Мудрец»). В книге автором собраны известные произведения об Алыкуле Осмонове, рассказы, статьи, ранее неопубликованные рукописи. Имя выдающегося поэта Алыкула Осмонова заслуженно называют рядом с именами самых крупных представителей кыргызской литературы. Творчество самобытного поэта значительно обогатило духовную культуру кыргызского народа, являясь одной из ярких страниц кыргызской поэзии.
27.03.2019 957 Кесиптик бирлик региондордоЧаткалда спартакиада өткөрүлдү
2019-жылдын 23-мартта Чаткал районунун борборунда жайгашкан Т.Эрматов атындагы өспүрүм балдар спорт мектебинде мугалимдер арасында спорттун волейбол, стол тенниси жана шахмат боюнча мелдеш болуп өттү. Мелдешке волейбол боюнча эркектерден турган сегиз, ал эми аялдардан турган он алты команда катышты. Мелдеш кызыктуу жана жогорку уюшкандыкта өтүп, жыйынтыгында волейбол боюнча эркектер арасында С. Байдөөлөтов орто мектебинин командасы жеңишке жетишишти. 2-орунду болсо, Ж. Ташкеев мектебинин командасы ээледи. 3-орун К. Акназаров орто мектебинин командасына берилди.
27.03.2019 669 Кесиптик бирлик региондордо“Жыл мугалими - 2019” Лейлек районунда
Лейлек райондук билим берүү бөлүмүнө караштуу мектептердин мугалимдеринин арасында 2019-жылдын 19-март күнү “Жыл мугалими - 2019” конкурсунун регионалдык туру болуп өттү. Регионалдык тур 3 мектептин базасында билим берүү бөлүмүнүн башчысы жана профсоюз уюмунун төрагасынын макулдугу менен бекитилген жобого ылайык өткөрүлүп, өзүнө мугалимдердин өзүн-өзү тааныштыруусун, ачык сабак өтүүсүн, тесттик суроолорду ошондой эле партфолиосун, ыңгайсыз жагдайдан чыга билүүсүн камтыды. Жыйынтыгында 3 мугалим, “Кара-Булак” орто мектебинин тарых сабагынан мугалими Маанова Самара, “Эгемендүүлүк” орто мектебинин математика сабагынан мугалими Ерматова Акмөөр, “Кыргызстандын 40 жылдыгы” орто мектебинин сүрөт сабагынан мугалими Шамшиев Талант жеңүүчү аталышып, райондук турга жолдомо алышты.
27.03.2019 970 Кесиптик бирлик региондордо