Жайкы эс алууну уюштуруу - кесиптик бирлик уюмдарынын ишмердигинин негизги багыттарынын бири

       Билим  берүү  жана  илим кызматкерлеринин  кесиптик   бирлигинин   Жалал-Абад  облустук комитети Билим  берүү  жана  илим министрлиги  менен Борбордук Комитеттин ортосунда  түзүлгөн  Макулдашууну ишке  ашыруу  үчүн уюштуруучулук иштерди  жүргүзүп, жайкы эс  алуу  иш-чараларын  баштады. Бул  багытта райшааркомдор өздөрү тараптан  түзүлгөн  Макулдашуулардын жана иш-чаралардын негизинде билим  берүү  кызматкерлерин ден соолугун  чындоо, эс  алдыруу чараларын  уюштурууда.

      Жалал-Абад обкому  «Жалал-Абад» санаторийи менен  келишимдик  негизде жолдомолорду алып, райшааркомдорго таратып, билим берүү кызматкерлеринин эс алуусуна шарт түзүп берди.

      Профсоюздун Токтогул райкомунда (төрагасы Т.Исраилов) бүгүнкү күндө саамал  ичүү менен 1-агымда  60  кызматкердин ден соолугун бекемдөөгө  шарт жаратып берди.

      Профсоюздун Сузак  райкому (төрагасы А.Орозалиев)  Мамакеев атындагы, Кочкор-Ата  санаторийлери менен келишимдик  негизде иштеп, мугалимдердин эс алууларын уюштурду.

      Профсоюзудун Ноокен райкому (төрагасы К.Нышанов) Кочкор-Ата санаторийи, Арстанбап пансионаты, Арстанбап-Ата турбазасы  менен келишимдик негизде билим  берүү  кызматкерлерин  жана райондун  балдарын эс алуусун  уюштуруу башталды. Райондо жергиликтщщ  бюджеттин, ата-энелердин жана  демөөрчүлөрдүн каражаты  менен 2 агымда  215 баланын эс  алдырышты. Мектептерде 1-агымда күндүзгү эс алуу борборлору иштеп, аларда 1865 жаш жеткинчектер жайкы каникулдарын максаттуу өткөрүштү. Учурда 2-агым  улантылууда.

     Профсоюздун Ташкөмур  шааркомунда (төрайымы Г.Эргешова) , Аксы райкомунда (төрагасы С.Камчыбеков) билим  берүү  кызматкерлерин экскурсиялык жол менен эс алуу уюшкандыкта өткөрүлүүдө.

     Облуста  жайкы  эс  алууну уюштуруу жана  координациялоо боюнча штаб түзүлүп, пландын  негизинде  иш  жүргүзүлүүдө.