Төрага бала бакчалардын абалы менен таанышты

Билим берүү жана илим кызматкерлеринин профсоюзунун Жалал-Абад шаардык комитетинин төрагасы М.Мамасыдыков шаардагы мектепке чейинки билим берүү мекемелеринин абалы менен жакындан таанышты.

Жалал-Абад шаарынын социалдык иштер боюнча вице-мэр Р.Алтымышов, Жалал-Абад шаардык билим берүү бөлүмүнүн башчысы Ы.Калчаев жана Профсоюздун Жалал-Абад шаардык комитетинин төрагасы М. Мамасыдыковдор баштаган жумушчу топ түзүлүп шаардагы мектепке чейинки билим берүү мекемелеринин техникалык коопсуздугун жана санитардык нормалардын сакталышынын абалы менен таанышып чыгышты.

Жумушчу топтун курамына Жалал-Абад областтык санэпид көзөмөлдөө башкармалыгынын адиси, Мамлекеттик экотех инспекциясынын адиси да тартылган.

Жыйынтыгында Профсоюздун Жалал-Абад шааркомунун төрагасы М.Мамасыдыков азыркы учурдагы эпидемиологиялык абалда санитардык – гигиеналык нормалардын, социалдык аралыктын сакталышын жана техникалык коопсуздуктун алдын алуусун мектепке чейинки билим берүү уюмдарынын жетекчилерине жана баштапкы профсоюз уюмунун төрайымдарына терең түшүндүрдү.

Маалыматты даярдаган: Профсоюздун Жалал-Абад шаардык комитети