Ош областтык билим, илим кызматкерлеринин профсоюз комитети менен кошмо семинар өз жемишин берди

     Ош областтык билим, илим кызматкерлеринин профсоюз комитетинин кызматкерлеринин катышуусу менен Кара-Суу райондук билим берүү кызматкерлеринин профсоюз комитети биргеликте 2018-жылдын 22-февраль күнү Кара-Суу районуна караштуу Нариман айыл аймагында жайгашкан № 79 А.Чолпон атындагы орто мектебинин базасында Ош аймагында (зонасында) жайгашкан 65 жалпы билим берүү  мектептердин баштапкы профсоюз уюмдарынын төрага, төрайымдарынын катышуусунда    семинар-окуу болуп өттү.

    Семинардын максаты: Мектептерде баштапкы профсоюз уюмдарынын кааналарын  түзүү, иш кагаздарын жүргүзүү. Ошондой эле бүгүнкү күндө  орчундуу маселе  болуп жаткан  окуучулар арасында кылмыштуулуктун,  диний экстремизмдин  жана  суицидтин алдын  алуу максатында класстан  тышкаркы иш-чаралар пландаштырылып, окуучулардын катышуусунда сакналаштырылып көрсөтүлдү. Иш чаранын жүрүшүндө жогорудагы көйгөйлүү маселенин үстүндө өз ойлору менен Ош областтык билим, илим кызматкерлеринин профсоюз комитетинин кызматкерлери,  райондорунан келген райком профсоюздарынын төрагалары, Кара-Суу райондук билим берүү бөлүмүнүн, УКМКнын, ИИБнүн 10 бөлүмүнүн, ЖӨИнин кызматкерлери, Нариман  айыл аймагынын, ата-энелер комитетинин жана диний кызматкерлеринин  өкүлдөрү  талкууга   активтүү  катышышты.