Ош областтык билим, илим кызматкерлеринин профсоюз комитети менен биргеликте ɵткɵрүлгɵн кошмо семинар-окуу ɵз жемишин берүүдɵ
2018-жылдын 12-апрель күнү Кара-Суу районундагы № 51 Ю.А.Гагарин атындагы орто мектебинин базасында Кара-Суу зонасына кирген 63 жалпы билим берүү мектептердин баштапкы профсоюз уюмдарынын тɵрага, тɵрайымдарынын катышуусунда укуктук-ченемдик актылар жɵнүндɵгү билимдерин жогорулатууга карата кошмо семинар-окуу болуп ɵттү.
Семинардын күн тартибинде тɵмɵнкүдɵй маселелер камтылды:
- Иш берүүчүлɵр менен кызматкерлеринин укуктары жана мидеттери.
- Эмгекти коргоо жана техникалык коопсуздукту сактоо.
- Кадырдык кызматтын иш кагаздарын уюштуруу жɵнүндɵ.
- Социалдык ɵнɵктɵштүктү ɵнүктүрүү жана 2-3 тараптуу жааматтык келишимдер .
- Кызматкерлерди эмгек ɵргүүгɵ чыгаруу жɵнүндɵ.
- Убактылуу ишке жарамсыздык, кош бойлуулдук, тɵрɵт жана расымдык сɵɵк коюу боюнча пособиянын тɵлɵнүшү жɵнүндɵ.
Семинар-окуу суроо жооптор менен бышыкталды.
Мындан тышкары профсоюз каанасын түзүү жана иш кагаздарын жүргүзүү боюнча практикалык жардамдар кɵрсɵтүлдү.
Жогорудагыдай семинар-окуулар 19-апрель күнү № 40 Б.Азизов атындагы орто мектебинин базасында Ош зонасына караштуу 65 жалпы билим берүүчү мектептердин жана 26-апрель күнү 79 мектепке чейинки билим берүү мекемелеринин баштапкы профсоюз уюмдарынын тɵрага, тɵрайымдарынын катышуусунда «Ай дос» бала бакчасынын базасында уюштурулат.
