Онлайн форматтагы класстердик жолугушуу

Баткен  облусунун  Лейлек  районундагы   «Тайлан»   орто  мектебинде  « Билим  үчүн  азык жана балдардын  тамактануусу”  долбоорунун  алкагында сабаттуулукту жакшыртуу компонентинин негизинде окуу бөлүмүнүн башчылары,  усулдук бирикменин жетекчилери,  башталгыч класстын мугалимдери  жана китепканачылар үчүн аралыктан  “Позитивдүү  тарбия – окуучунун жөндөмдүүлүгүн жана өзүнө болгон ишенимин жогорулатат” деген темада класстердик жолугушуу болуп өттү. Бул  жолугушууга 15 мектептен жалпы 46 катышуучу болуп , алардын ичинен 30 мугалим , 16 китепканачы болду. Аталган мектептин башталгыч  класс мугалими  Зийнатай Жалилова 4 – класстын окуучуларына  адабий окуу сабагынан “ Калк кадырлаган  куудул Куйручук атабыз” ,  2 – класстын класс жетекчиси  , окуу бөлүмүнүн  башчысы  Махават Тойчиева “ Баарынан  ким күчтүү?”  деген темада ачык сабактарды өтүп беришти. Өтүлгөн сабактарга  катышкан мугалимдер тарабынан  жылуу  сөздөр ,  ой пикирлер айтылып кеңири талкууланды . Мугалимдер бири- бири менен пикир алышып , иш тажрыйбаларын  бөлүштү. Андан сырткары коомчулуктун  бардык мүчөсүн окуу практикасына тартуу жана китеп окууга  чакыруу , коомду алдыга жылдыруу максатында мектептин китепканачысы Айзада Музарамова тарабынан  “ Окурман  автобус” аттуу иш чара өткөрүлүп , китепканачылар тарабынан кызуу талкууланды . Мугалимдер жана  китепканачылар позитивдүү тарбия - окуучунун  жөндөмдүүлүгүн  жана өзүнө болгон  ишенимин жогорулата тургандыгына  ынанышып , онлайн  класстердик жолугушуулар  өткөрүлүп  турса , жакшы натыйжа бере тургандыгына  токтолушту.  Онлайн класстердик жолугушууну  Баткен облусу боюнча « Билим  үчүн  азык жана балдардын  тамактануусу”  долбоорунун   сабаттуулукту жакшыртуу компонентинин  адиси Гулзада  Ризаева  долбоордун  иштери жөнүндө кошумча маалыматтарды  берүү менен жыйынтыктады.

Мектеп директору:   Кошматова Мээргүл