ОГПИде окутуунун жаңы механизми тууралуу семинар болуп жатат

    Ош гуманитардык-педагогикалык институтунда “Кесиптик билим берүүнүн сапатын камсыздоо тутумдары жана механизмдери” деген аталышта профессордук-окутуучулар үчүн семинар болуп жатат. Бул тууралуу окуу жайдын маалымат катчысы Жылкычы уулу Кубаныч билдирет.

    Аталган семинардын катышуучулары  5 күндүк программанын негизинде окутулуп,  уюштуруу тобу  тарабынан атайын сертификат менен сыйланышмакчы.

    Иш- чара институттун “Окуу бөлүмү” жана “Мугалимдердин билимин жогорулатуу” бөлүмдөрү тарабынан уюштурулуп, Бишкектен чакырылган атайын адис, “GIZ” программасынын мультипликатору  Р.Г.Дүйшебаева өтүп жатат.