Мектептерге жардам көрсөтүлдү

Билим жана илим кызматкерлеринин кесиптик бирлигинин Ош областтык комитетинин төрагасы С.Тойгонбаев Өзгөн районуна караштуу М.Разаков атындагы мектеп-интернатына барып, билим берүү уюмунун иши, окуу жана жашоо шарттары менен таанышты, мугалимдер жана мектеп-интернаттын тарбиялануучулары менен пикир алышты. Билим жана илим кызматкерлеринин кесиптик бирлигинин областтык комитетинин атынан материалдык (акчалай)  жардам көрсөттү, педагогикалык эмгек жааматына быйылкы окуу жылын ийгиликтүү аяктоону каалады.  Мектеп-интернатнын директору Т.Айткурманов көрсөтүлгөн жардам үчүн ыраазычылык билдирди.

Ушундай эле материалдык (акчалай) жардам Өзгөн районуна караштуу В.И.Ленин атындагы №2 мектеп-гимназиясына да көрсөтүлдү. Мектеп-гимназиянын директору М.Дехканбаева кесиптик бирликтин областтык жана республикалык комитетине көрсөтүлгөн жардам үчүн ыраазычылыгын билдирди жана окуу-тарбия ишин жакшыртууга кесиптик бирлик уюму да таасирдүү көмөк көрсөтүп жаткандыгын белгиледи.

Маалыматты даярдаган: Билим жана илим кызматкерлеринин кесиптик бирлигинин Ош областтык комитети