Кесиптик бирлик мүчөлөрүнүн жайкы эс алуусу жакшы өттүдө

Билим берүүчү уюмдарында эмгектенген кесиптик бирлик мүчөлөрүнүн жайкы эс алуу жайларына барып келүүсү уланып, эс алуулары жакшы өттүдө.

Базар-Коргон районунун Бешик-Жон айыл аймагында жайгашкан Ж.Сулайманкулов атындагы №8 орто мектебинин кесиптик бирлик мүчөлөрү Кара-Көл шаарынын пансионатында эс алып келишти. Кара-Көл шаарынын эс алуу пансионаты тегереги тоолор менен курчалган кооз жерде жайгашкан.

Ошондой эле, Базар-Коргон районунун Акман айыл аймагында жайгашкан Б.Осмонов атындагы №6 гимназия мектебинин кесиптик бирлик мүчөлөрү Өзгөн районунда жайгашкан Кара-Шоро улуттук паркында жайкы эс алуусун өткөрүшүп, дем алып келишти.

Кыргызстанда эс алуу үчүн жакшы жерлер көп, анын ичинде Кара-Шоро эс алуу жайы кенен жайлоо, таза аба, дары болгон Кара-Шоро суусу менен белгилүү.

Мектептин педагогдору эс алууга барып келүүгө колдоо көрсөткөндүгү үчүн Билим жана илим кызматкерлеринин кесиптик бирлигинин Базар-Коргон райондук комитетине ыраазычылыктарын билдиришти.

Маалыматты даярдаган: Базар-Коргон райКБКнын адиси К.Асыранкулов