Каракол шаарынын билим берүү бөлүмүнүн коллегиясы

Каракол шаарынын билим берүү  бөлүмүнүн коллегиясы болуп өттү. Коллегияда негизги маселелердин бири  жалпы билим берүүчү орто мектептерде 2016-2017-окуу жылындагы окуучуларды  класстан класска көчүрүү сыноолорун, мамлекеттик жыйынтыктоо аттестацияларын өткөрүү жана 9- 11-класстын бүтүрүүчүлөрүнө билими жөнүндө мамлекеттик үлгүдөгү документтерди тапшыруунун жыйынтыктары, билим сапаты жана жалпы республикалык тестирлөөнүн жыйынтыктары тууралуу  маалымдама берилди.

     Анда Каракол шаарынын жалпы билим берүүчү мектептерде 2016-2017 окуу жылынын бүтүрүүчүлөрүнө жалпы орто билими тууралуу аттестаттарын тапшыруу иш чаралары Кыргыз Республикасынын Билим берүү жана илим министрлигинин 2017-жылдын   21-апрелиндеги №486/1,  Каракол шаардык билим берүү бөлүмүнүн 2017-жылдын  3-майындагы №50/2-п буйруктарына ылайык 9-класстын бүтүрүүчүлөрү үчүн жалпы негизги билими жөнүндө күбөлүктөрү 2017-жылдын 20-июнунда , ал эми 11-класстын окуучуларына жалпы орто билими жөнүндө аттестаттар 2017-жылдын 24-июнунда тапшырыла тургандыгы жөнүндө айтылды.

 Жогоруда  аталган тапшырууга  арналган  салтанаттуу иш чараларын уюшкандыкта өткөрүү жана бул иш чараларды өткөрүү убагында бүтүрүүчүлөрдүн өмүрүнүн коопсуздугун сактоо максатында ар бир мектепте иш-чараларды өткөрүү үчүн мугалимдерден, коопсуздук кызматынан, ата-энелерден жана укук коргоо органдарынын кызматкерлери менен бирдикте дежурстволор уюштурулуп, салтанаттуу иш чаралар жергиликтүү өзүн-өзү башкаруу, билим берүү, укук коргоо органдарынын жана ата-энелер комитеттеринин катышуусу менен уюшкандыкта өткөрүлдү.

   2016-2017 окуу жылында Каракол шаарындагы  10 мектепти баардыгы 11917 окуучу аякташты.  Ал эми 11-класстарды 646 окуучу, анын ичинен 1 окуучу артыкчылык аттестаты менен, 9 класстарды 1061 окуучу, анын ичинен 28 окуучу өзгөчө белгидеги күбөлүктөрү менен аякташты.

Ал эми 2017-жылдын 12-майында №4 гимназия мектебинин базасында 2016-2017 окуу жылында Кыргыз Республикасынын Билим берүү жана илим министрлигинин алдындагы Улуттук тестирлөө борбору тарабынан артыкчылык аттестатына тестирлөө болуп, шаардык мектептерден 12 талапкерлер ( №1 инновациялык мектеп-гимназиясынан 2 бүтүрүүчү, №3 мектеп гимназиясынан3 бүтүрүүчү, №4 гимназия мектебинен 1 бүтүрүүчү жана №5 орто мектебинен 2 бүтүрүүчү, №11 мектеп-гимназиясынан 4 бүтүрүүчү) катышып, жыйынтыгында №11 мектеп-гимназиясынын  1 окуучусу артыкчылык аттестатына ээ болду.

Жыл жыйынтыгынын неизинде алгылыктуу иш алып барган жетекчилерге билим берүү бөлүмүнүн  Ардак грамоталары тапшырылды.

Каракол шаары

Билим берүү бөлүмүнүн башкы адиси Асель Токтакунова