Кара-Суу райондук билим жана илим кызматкерлеринин профсоюз комитетинин окуу-семинары менен биргеликте «Профсоюз кызматкерлеринин күнү» айкалыштырылып өткөрүлдү

    2016-жылдын 19-октябрь күнү  райондогу  Тойчу Алтыбаев атындагы орто мектебинин базасында  пландын  негизинде окуу-семинары болуп өттү.

    Окуу-семинардын ишине Ош областык билим жана  илим кызматкерлеринин профсоюз комитетинин өкүлдөрү келип катышышты.

    Түштөн кийин райондогу 128 мектептин, 67 мектепке чейинки билим берүү уюмдарынын баштапкы  профсоюз  уюмдарынын төрага, төрайымдарынын,  Пленум мүчөлөрүнүн жана 20дан ашык чакырылган жолдоштордун  катышуусунда «Кыргызстан профсоюздар күнүнө» карата   иш-чара өткөрүлдү.

     Иш чаранын жүрүшүндө алдыӊкы профсоюз кызматкерлерине КРнын билим жана илим кызматкерлеринин профсоюзунун БКнин «Профсоюз кыймылынын мыктысы» төш белгилери, «Ардак» грамоталары, Ош областык билим жана илим кызматкерлеринин профсоюз комитетинин «Ардак»  грамоталары тапшырылды.

     Кара-Суу райондук билим жана илим кызматкерлеринин профсоюз комитети тарабынан уюштурулган «Жылдын мыкты профсоюз каанасы -2016» кароо-сынагынын жыйынтыгы чыгарылды. Кароо-сынактын жеӊүүчүлөрүнө жана активтүү катышкан мектеп, мектепке чейинки билим берүү уюмдарынын баштапкы  профсоюз  уюмдары диплом, акчалай сыйлык жана вымпелдер менен сыйланышты. Ошондой эле алдыӊкы профсоюз мүчөлөрүнө, иш берүүчүлөргө жана ардагер мугалимдерге «Профсоюз кыймылынын ардагери»,  «Мыкты профсоюз кызматкери» жана «Ардагер мугалим» деп аталган  номинацияларыдын төш белгилери жана күбөлүктөрү тапшырылды.