Иш кагаздарды жүргүзүү боюнча семинар

Билим жана илим кызматкерлеринин Кызыл-Кыя шаардык комитети тарабынан "Баштапкы кесиптик бирлик уюмдарынын иш кагаздарынын туура толтурулушу жана номенклатурасы" деген темада семинар өткөрүлдү. Семинар Кызыл-Кыя шаарындагы У.Гулматов атындагы №9 орто мектепте өттү. Семинарга шаардын баштапкы кесиптик бирлик уюмдарынын төрагалары катышып, жылдык иш-пландын туура түзүлүшүнө кеңири токтолуп, талкууга алышты. Иш кагаздарынын туура жүргүзүлүшү, колдонулушу жана аларды сактоо мөөнөтү боюнча Кызыл-Кыя шаардык комитетинин төрайымы Ү.Абдиева кеңири маалымат берди.  Семинар көрсөтмө куралдар, фото-слайддар менен коштолду.

Маалыматты даярдаган: Кесиптик бирликтин Кызыл-Кыя шаардык комитети