Борбордук Комитеттин президиумунан ийгилик менен кайттык

                         “Тармакта адептүүлүктү жогорулатуу жана укуктук маданият иштерин мыкты уюштургандыгы үчун” урааны астында 2017-жыл “Ыйман, адеп жана маданият” жылына карата профсоюздун Ноокен райондук комитети тарабынан билим берүү мекемелеринин профсоюз уюмдарынын төрагалары арасында кароо-сынак жарыяланып, мен да  № 26 “Ак - Шоола” балдар бакчасынан катыштым.

            Кароо-сынактын шарты боюнча бакчадагы аткарылган иштерди  жана  2017-жыл “Ыйман, адеп жана  маданият” жылына карата өткөрүлгөн иш чараларды чагылдырып китеп даярдадым. Даярдаган китебим кароо-сынакка коюлуп, атайын түзүлгөн комиссиянын чечиминин негизинде райондук турунда I орун, областтык турда  I орунду ээлеп,ардак грамота ошондой эле баалуу белектер менен сыйланып,  республикалык  турга катышуу мүмкүнчүлүгүнө ээ болдум.     21.12.2017-жыл Бишкек шаарында Борбордук Комитеттин  жыйынтыктоочу президиум өткөрүлдү. Конкурстун жыйынтыгы менен  I орунга татыктуу болуп, “Ардак грамота” жана ноутбук менен сыйландым.  Мындай иш чараларга катышып, ушундай даражага жетишкендигиме жакындан жардам берген  № 26 “Ак-Шоола” балдар бакчасынын директору К. Мурашевага, Ноокен райондук комитетинин төрагасы К. Нышановго, Жалал-Абад обкомунун инспектору  А.Ч. Айдаровго,  Жалал-Абад обкомунун төрагасы А. А. Исмаиловго терең ыраазычылыгымды билдирем.                                                                                                                                                                                     Урматтуу Асылбек Токтогулович!  Сизди жана сиз жетектеген жамаатты кирип келе жаткан     2018-Жаңы жылыңыздар менен куттуктайм! Жаңы жыл Сиздердин үй-бүлөңүздөргө  тынчтык, аманчылык, ынтымак алып келген акжолтой  жылдардан  болсун.  Иштериңиздерди ар дайым ийгиликтер коштосун!