Балдар бакчаларынын баштапкы кесиптик уюмдарынын семинары

Ноокен районундагы Масы айыл өкмөтүнө караштуу №2 “Ак куу” балдар бакчасында 29-январь күнү балдар бакчаларынын баштапкы кесиптик уюмдарынын төрага, төрайымдары үчүн семинар болуп өттү.

Биздин бакча 2020-жылдын жыйынтыгы менен райондо “Жылдын мыкты бакчасы-2020” кароо-сынагында 2-орун, ал эми “Мыкты профсоюздук уюму жана төрагасы-2020” кароо-сынагынын жеңүүчүсү болгон.

Семинарды Ноокен райкомунун төрагасы К.Нышанов ачып, анда 2021-жылда аткарылуучу иштер, багыттар жана алдыдагы милдеттерге токтолду.№2 “Ак куу” балдар бакчасынын директору Г.Расулова семинардын катышуучуларына бакча жөнүндө маалымат берип, 2020-жылда аткарылган иштери жөнүндө слайддар аркылуу айтып берди.

Семинардын жүрүшүндө Ноокен райкомунун инспектору Т.Бакиров бакчалардагы коопсуздук маселелерине токтолду.

Иш-чаранын жыйынтыгында катышуучулар №2 “Ак куу” балдар бакчасынын баштапкы кесиптик уюмунун иш кагаздары, ишмердүүлүгү менен таанышып, жаш профкомдорго усулдук материалдар таркатылды.

№2 “Ак куу” балдар бакчасынын профкому А.Абдирашит кызы