Айтматов да бала болгон

Ноокен районунун Момбеков айыл аймагында жайгашкан №17 "Кыла" орто мектебинин окуучулары кыргыз элинин залкар жазуучусу Чыңгыз Айтматовдун 95 жылдыгына арналып өткөрүлгөн республикалык "Айтматов балдар дүйнөсүндө" аттуу театр-фестивалында "АЙТМАТОВ ДА БАЛА БОЛГОН" театрынын сценарийи менен даярдалган көрүнүштү тартуулашып, баш байгеге ээ болушкан. Аталган театралдаштырылган иш-чараны райондун жетекчилерине, мугалимдерге, ата-энелерге жана коомчулука тартуулашты.

Бул иш-чараны даярдаган мугалимдерге, окуучуларга Ноокен райондук мамлекеттик администрациясынын башчысы-аким Т.Ишенбеков районубузга ийгилик алып келгенине кубанычы чексиз экенин белгилеп, ийгилик каалап, "Ардак Грамоталарды" жана окуучуларга өзүнүн белектерин тапшырып, №17-мектепке "Смарт досканын" сертификатын тапшырды. Андан сырткары Момбеков айыл өкмөтү тарабынан мугалимдерге жана окуучуларга белектер берилди.

Билим жана илим кызматкерлеринин кесиптик бирлигинин Ноокен райондук комитетинин төрагасы К.Нышанов №17 "Кыла" орто мектебинин жалпы жамаатын, окуучуларын бул ийгилиги менен куттуктап, даярдаган мугалимдерге ыраазылык каттарды жана белектерди тапшырды.

Маалыматты даярдаган: №17 «Кыла» орто мектебинин профкому Б.Анарбаева