28-апрель-Бүткүл дүйнөлүк эмгекти коргоо күнү

2023-жылдын 28-апрелинде Базар-Коргон районундагы  №7 Мамбеталиев атындагы мектеп-гимназиясында жана райондогу билим берүү уюмдарында эмгекти коргоо күнүнө карата иш-чаралар болуп өттү.

Иш-чарага  райондук билим берүү бөлүмүнүн башчысы С.Т.Жалилов, Билим  жана илим кызматкерлеринин кесиптик бирликтин  Базар-Коргон райондук    комитетинин  төрагасы  С. Жаркынбаев, адис К.Асыранкулов, райондук билим берүү бөлүмүнүн адистери, мектеп жана балдар бакчаларынын жетекчилери, баштапкы  кесиптик бирлигинин төрагалары жана мугалимдер катышышты.

Иш-чарада билим берүү тармагындагы эмгекти коргоо, эс алуу убакыттарынын сакталышы, жаштардын эмгегин корголушу, зыяндуулук, жумуш орундарындагы кырсыктарды алдын алуу, имараттардын ичиндеги коопсуздук жана санитардык коопсуздуктар  боюнча маалыматтар берилди. 

Иш-чаранын жүрүшүндө эмгекти коргоо жана  техникалык коопсуздук шарттарынын сакталышы боюнча суроо-жооптор болуп, катышуучулар пайдалуу маалыматтарды алышты.

 Маалыматты даярдаган: Кесиптик бирликтин Базар-Коргон райондук комитети