ОшМУнун базасында окуучулардын предметтик олимпиадасы өтүп жатат

Ош мамлекеттик университетинин базасында 27-28-29-январь күндөрү Ош шаардык билим берүү башкармалыгынын окуучулар арасындагы предметтик олимпиадасы өтүп жатат.

9-10-11-класстар арасында уюштурулган олимпиаданын ачылуу аземине ОшМУдан орто кесиптик билим берүү уюмдары менен иштөө боюнча проректору Тажимамат Эркебаев катышып, окуучуларга ийгилик каалап, келечекте ОшМУнун студенттеринин катарын толуктаган билимдүү жаштардан болгула деген тилегин билдирди.

Аталган олимпиадага ОшМУнун "Билим" лицейи, "Ыйман" гимназиясынан да окуучулар катышып жатышат.

Материалды даярдаган Абсамат Саттаров