Ак эмгек бааланды

Кыргыз Республикасынын билим берүү тармагында көп жылдык ак ниет кызматы жана коомдук-саясий иштерге жигердүү катышкандыгы үчүн Токтогул атындагы №4 жалпы билим берүүчү орто мектебинин окуу-тарбия иштери боюнча директордун орун басары, Таш-Көмүр шаардык кеңештин депутаты ШАБДАНОВА АЛИМБҮ АСКАРБЕКОВНАГА,

Кыргыз Республикасында парламентаризмди өнүктүрүүгө, ошондой эле мыйзамдарыбызды өркүндөтүүгө кошкон салымы жана коомдук-саясий иштерге жигердүү катышкандыгы үчүн №3 "Байчечекей" мектепке чейинки билим берүү мекемесинин жетекчиси УТУРБАЕВА МАРИЯ ТӨЛӨГӨНОВНАГА  Кыргыз Республикасынын Жогорку Кеңешинин ыраазычылык жарыяланды. Ыраазычылык катка Кыргыз Республикасынын Жогорку Кеңешинин Төрагасы Т.Мамытов кол койгон.

Ошондой эле 19-майда “Кыргыз почтасы” мекемеси тарабынан  “COVID-19 пандемиясына карата өз тажрыйбаңыз жөнүндө үй-бүлө мүчөсүнө кат жазыңыз” темасындагы жаштар арасында 50-эл аралык эпистолярдык жанрдагы дил баяндар сынагын өткөрүүгө активдүү катышкан, окуучулар менен аны жогорку деңгээлде өткөрүшкөн мектептерге жана мугалимдерге ыраазычылык каттар жана ардак грамоталар тапшырылды.

Аталган сыйлыкты  Таш-Көмүр шаарынын мэри Нурлан Доулбеков, ал эми ЫРААЗЫЧЫЛЫК КАТТЫ Таш-Көмүр шаардык билим берүү бөлүмүнүн башчысы Н.Жоошбаев тапшырды.

Маалыматты даярдаган: Таш-Көмүр шаарКБКнын төрайымы Э.Эгизалиева