Усулдук күн өткөрүлдү
Билим берүү жана илим кызматкерлеринин кесиптик бирлигинин Жалал-Абад областтык комитетинин Профсоюздук билим берүү усулдук борборунун иш планына ылайык, 2023-жылдын 15-майында кесиптик бирликтин Таш-Көмүр шаардык комитетинде жооптуу кызматкерлер А.Бегматов жана А.Айдаров тарабынан усулдук күн өткөрүлдү.
Иш-чаранын 1-бөлүгүндө кесиптик бирликтин Таш-Көмүр шаардык комитетинин төрайымы М.Т.Үтүрбаеванын жеке демилгеси менен уюштурулган офис жана андагы документтер менен таанышып, усулдук жардам берилди.
Шаардык комитеттин №3 мектепке чейинки билим берүү мекемесинин баштапкы кесиптик уюмунун кайрылуусуна мыйзамдуу жооп берилип, көмөк көрсөтүлдү. №7 орто мектебинин баштапкы кесиптик бирлик уюмунун төрайымы Н.Эшалиевага иш кагаздарды жүргүзүү тууралуу консультациялар берилди. №111 кесиптик лицейдин баштапкы кесиптик уюмунун төрагасы А.Ташбаевтин суроолору кесиптик бирликтин райондук жетекчилиги менен чечүү сунушталды.
Иш-чаранын 2-бөлүгү - №4 орто мектебинде улантылып, шаардагы билим берүү мекемелеринин баштапкы кесиптик бирлик уюмунун төрагалары менен “Отчеттук кайра-шайлоо конференциясын, чогулуштарын даярдоо жана өткөрүү” темасында окуу семинары болду.
Анда областтык комитеттин жооптуу кызматкелери А.Айдаров, А.Бегматов тема боюнча усулдук материалдар менен баяндама жасашты. Суроолорго жооптор берилди. Кесиптик бирликтин Таш-Көмүр шаардык комитетинин төрайымы М.Т.Үтүрбаева усулдук күн үчүн областтык комитеттин жооптуу кызматкелерине ыраазычылыгын билдирди.
Маалыматты даярдаган: Кесиптик бирликтин Жалал-Абад областтык комитетинин инспектору А.Айдаров