ОшТУда Бухгалтерлер жана аудиторлордун кесиптик майрамы белгиленди

3-апрель Бухгалтерлер жана аудиторлордун кесиптик майрамына карата ОшТУда бухгалтердик эсеп жана аудит кафедрасы тарабынан экономика жана башкаруу институтунун кафедралары арасында волейбол оюну уюштурулду.

Бухгалтердик эсеп жана аудит кафедрасынын башчысы э. и. к., доцент Мамашов Канжар Асилбекович кафедра жамаатын бүгүнкү кесиптик майрамы менен куттуктап, спорттук мелдештин катышуучуларына ийгилик каалады.

Мелдешти өткөрүүдөгү негизги максат жамаат ичинде ынтымакты чыңдап, окутуучулардын көңүлдүү эс алуусун уюштуруу, майрамдык маанай тартуулоо болуп эсептелет.

Иш-чарага кесиптик бирлик комитетинин төрайымы Тиленбаева Багдагүл Эргешовна катышып, куттуктоо сөз сүйлөп, кесиптик бирлик комитети тарабынан алдыңкы орундарга баалуу сыйлыктарды тапшырды.