Центральный комитет профсоюза работников образования и науки Кыргызской Республики

Центральный комитет профсоюза

работников образования и науки Кыргызской Республики

Социальное партнерство

Областтык комитеттин колдоосу ишмердүүлүккө дем берет!

КРнын билим жана илим кызматкерлеринин кесиптик бирлигинин Жалал-Абад областтык комитети Б.Осмонов атындагы Жалал-Абад мамлекеттик университетинин кызматкерлеринин кесиптик бирлик комитетине дайыма моралдык, усулдук жана материалдык колдоо көрсөтүү менен кесиптик бирликтин ишмердүүлүгүн мындан ары өркүндөтүүгө дем берип, камкордукка алып келет. Областыбызда “Жайкы эс алуу - 2021” иш-чараларын өткөрүү жогорку деңгээлде уюшулгандыгы баарыбызды кубандырат.

Мына жакында  “Арстанбап” турбазасында ондон ашык кызматкерибиз  областтык комитеттин каржылоосу менен эки күндүк эс алууда болуп, чын көңүлдөн ыраазычылыктарын айтышууда. 2021-жылдын 24-31-июль күндөрү  Билим жана илим кызматкерлеринин кесиптик бирлигинин борбордук комитетине караштуу Ысык-Көл облусунун Тоң районунда жайгашкан “Красная гвоздика” эс алуу борборунда өтө турган эс алуу жана жолугушууга катышуу үчүн эки кызматкерибизге жолдомо берилди. Ошондой эле “Арстанбап-Ата” балдардын эс алуу борборуна балдарга он эки жолдомо бөлүндү. КРнын Билим жана илим кызматкерлеринин кесиптик бирлигинин Жалал-Абад областтык комитетинин жетекчиси Исмаилов Абдукахар Араповичке терең ыраазычылык билдиребиз жана кесиптик бирликтин ишмердүүлүгүнө ийгиликтерди каалайбыз!

 

Маалыматты даярдаган: ЖАМУнун КБКнын кызматкери Н.Баитова