Билим жана илим кызматкерлеринин спартакиадасы аяктады

Билим жана илим кызматкерлеринин кесиптик бирлигинин Ош областтыккомитети тарабынан уюштурулган спартакиада 21-22-май күндөрү ОшМУнун педагогика, психология жана дене тарбия факультетинин спорт комплексинде, табият таануу жана география факультетинин спорт залында өтүп, жыйынтыкталды. Спорттук мелдешке Ош шаарында жайгашкан 5 жогорку окуу жайдын өкүлдөрү катышып, спорттун 7 түрү боюнча мелдешти.

Жыйынтыгында жалпы командалык эсеп менен 1-орунду Ош мамлекеттик университети, 2-орунду Ош технологиялык университети, 3-орунду Б.Сыдыков атындагы Кыргыз-Өзбек эл аралык университетинин командалары ээледи.

Жеңишке жеткен ОшМУнун командасы дээрлик бардык оюндарда 1-орунду багындырды:

Волейбол (агайлар) — 1-орун;

Волейбол (эжейлер) — 1-орун;

Шахмат (агайлар) — 1-орун;

Шахмат (эжейлер) — 1-орун;

Тогуз коргоол (агайлар) — 1-орун;

Тогуз коргоол (эжейлер) — 1-орун;

Стол теннис (агайлар) — 2-орун;

Стол теннис (эжейлер) — 1-орун;

Ордо (агайлар) — 1-орун;

Футбол (агайлар) — 1-орун;

Стритбол (агайлар) — 1-орун.

Маалыматты даярдаган: ОшМУ КБКнын башкы адиси А.Айткулова