Жаздай сулуу, күндөй жаркын аялзаты!

8-март – Аялдардын Эл аралык майрамына карата Ноокен райондук билим берүү бөлүмү жана райондук кесиптик бирлик комитети тарабынан “Жаздай сулуу, күндөй жаркын, асылзаада апалар!” аттуу райондук иш-чара өктөкүлдү.

Ага Ноокен райондук мамлекеттик администрациясынын башчысынын орун басары З.Юлдашева, Ноокен райондук билим берүү бөлүмүнүн башчысы Н.Олжобаев, Билим жана илим кызматкерлеринин кесиптик бирлигинин Ноокен райондук комитетинин төрагасы К.Нышанов, райондогу бакчалардын жетекчилери, ата-энелер катышты.

Иш-чарада бала бакчалардын тарбиялануучулары тарабынан даярдалган концерттик программа тартууланды. Ошондой эле майрамдык салтанатка чакырылган ардагер мугалимдер жана концерттик программаны даярдаган бакчалардын тарбиячылары Билим жана илим кызматкерлеринин кесиптик бирлигинин Ноокен райондук комитетинин атайын белектери менен сыйланды.

Маалыматты даярдаган: Ноокен райКБКнын инспектору Т.Бакиров