Жаңы жылда жаңы милдеттер белгиленди
2024-жылдын 18-январында Билим берүү жана илим кызматкерлеринин кесиптик бирлигинин Жалал-Абад областтык комитетинин президиумунун отуруму болду.
Отурумга КР билим жана илим кызматкерлеринин кесиптик бирлигинин Борбордук Комитетинин төрагасы Султанбаев Абдыкадыр Дарданович онлайн форматта, областтык комитеттин төрагасы А.Исмаилов, жооптуу кызматкерлери, райондук, шаардык комитеттердин төрагалары катышышты.
Президиумдун күн тартибинде төмөнкү маселелер талкууланды:
1.Областтык комитеттин 2024-жылга иш планын бекитүү жөнүндө.
2.”Маалымат иштерин уюштуруу боюнча эң мыкты райондук, шаардык, жогорку жана атайын орто кесиптик окуу жайларынын кесиптик бирлик комитети” республикалык кароо-сынагынын облустук жыйынтыктары жөнүндө.
- Билим берүү жана илим кызматкерлеринин кесиптик бирлигинин Жалал-Абад областтык комитетинин иштөө тартибин жана регламентин бекитүү жөнүндө.
- Кесиптик бирликтин областтык, райондук, шаардык комитеттери тарабынан 2023-жылда Борбордук комитетинин сайтына жарыяланган материалдардын жыйынтыгы жөнүндө.
- Кыргыз Республикасынын Билим жана илим кызматкерлеринин кесиптик бирлигинин Борбордук комитетинин кезексиз Пленумунун токтомдорун аткаруу боюнча Билим берүү жана илим кызматкерлеринин кесиптик бирлигинин Жалал-Абад областтык комитетинин иш-чараларын бекитүү жөнүндө.
- Жалал-Абад областтык комитеттин 2024-жылга бюджетин бекитүү жөнүндө.
7.Областтык комитетке келип түшкөн мүчөлүк акы жана ден соолукту чыңдоо жөнүндө.
8.Ар турдүү маселелер.
Президиумда Кыргыз Республикасынын билим жана илим кызматкерлеринин кесиптик бирлигинин Борбордук Комитетинин төрагасы Султанбаев Абдыкадыр Дарданович онлайн форматта катышып, 2024-жылда алдындагы милдеттер тууралуу сөз кылды жана кесиптик бирлик уюмдарында реформаларды ишке ашырууда профлидерлердин активдүү катышуусу жана алырдын жоопкерчилиги жогору экендигин белгиледи.
Отурумда күн тартибиндеги меселелер кызуу талкууланып, тийиштүү токтомдор кабыл алынды.
Материалды даярдаган: Кесиптик бирликтин Жалал-Абад областтык комитетинин инспектору А.Айдаров.