Жаңы жылда жаңы ачылыштар

Ноокен районуна караштуу Бүргөндү айыл аймагында жайгашкан  №18 Молдалиев атындагы орто мектебинде жаңы заманбап спорттук зал курулуп, пайдаланууга берилди. Спорттук залдын курулушуна райондук өнүктүрүү  фондунан 9 000 000 сом, Бүргөндү айыл өкмөтүнөн 500 000 сом акча каражаты бөлүнгөн.  Ачылыш аземге КР Өкмөтүнүн Жалал-Абад облусундагы ыйгарым укуктуу өкүлү К.Сатыбалдиев, Ноокен райондук мамлекеттик администрациясынын башчысы-аким  Э.Маматаев, Ноокен райондук билим берүү бөлүмүнүн башчысы Б.Козуев, Билим жана  илим кызматкерлеринин профсоюзунун Ноокен райкомунун төрагасы К.Нышанов, Бүргөндү айыл өкмөтүнүн  башчысы А.Сатыкулов, райондогу мекеме-иш каналардын жетекчилери, айыл өкмөт башчылары, аксакалдар, жаштар кеңешинин өкүлдөрү жана айыл тургундары катышышты.

Күндүн экинчи жарымында Бүргөндү айыл аймагында жайгашкан № 47 Ташиев атындагы орто мектебинин кошумча жаңы имаратынын ачылышы болуп өттү.  Имараттын курулушуна Стимгранттан 2 939 900 сом, Бүргөндү айыл өкмөтүнөн 477 400 сом, демөөрчүлөрдүн жана элдин салымы 132 000 сомду түздү.

Материалды даярдаган:  

 Ноокен райКБКнын инспектору

Т. Бакиров