Жаңы баштапкы кесиптик уюмдар райондук комитеттин курамына кабыл алынды

2020-жылдын 20-январь күнү Билим берүү жана илим кызматкерлеринин профсоюзунун Ноокен райондук комитетинин төрагасы К. Нышанов, укук жана эмгекти коргоо боюнча инспектору Т.Бакиров № 45 “Наристем” жана № 46 “Гулзар” балдар бакчаларында болушту.

Анда жогоруда аталган бакчалардан келип түшкөн кайрылуулардын негизинде райондук комитеттин курамына кабыл алуу жана баштапкы кесиптик уюмунун жетекчисин шайлоо жөнүндө маселелер каралды.

№ 45 “Наристем” балдар бакчасына  Абдыгулова Тазагүл, №46 “Гүлзар” балдар бакчасына Абакулова Гулмира жамааттардан сунушталып, бир добуштан шайланышты.

Ноокен райкомунун  төрагасы К.Нышанов жаңы шайланган баштапкы кесиптик уюмдарынын жетекчилерин куттуктап, аларга бекем ден-соолук, иштеринде ийгиликтерди каалады.

Ошондой эле бакча кызматкерлеринин  суроолоруна жооп берди.

Ноокен райКБКнын инспектору

Т.Бакиров