Ысык-Ата райондук кесиптик бирлик мүчөлөрү менен жолугушуу

Бүгүн, 2025-жылдын 31-мартында Ысык-Ата районунун Кант шаарындагы № 2 К. Рыскулова атындагы орто мектеп-гимназиясында Кыргыз Республикасынын Билим жана илим кызматкерлеринин кесиптик бирлигинин Борбордук комитетинин төрагасынын орун басары А.О. Кудайкулов жана Борбордук комитеттин уюштуруу, маалымат иштери жана эл аралык кызматташтык бөлүмүнүн башчысы А.К. Канатбеков Ысык-Ата районунун кесиптик бирлик мүчөлөрү менен жолугушту.

Жыйынга Ысык-Ата районунун мектеп жетекчилери жана баштапкы кесиптик бирлик уюмдарынын төрагалары менен жалпы 80 катышты.

Жолугушууда Кыргыз Республикасынын жаңы кабыл алынган Эмгек Кодекси, Билим берүү кызматкерлеринин укуктарын коргоо жана эмгек шарттарын жакшыртуу, техникалык коопсуздук, жолдомолор жана башка бир катар маселелер боюнча маалыматтар берилди.

Соңунда, аталган маселелер боюнча сунуштар каралып, катышуучулар тарабынан берилген суроолорго канааттандырарлык жооптор айтылды.