"Университет-ОшМУ" волейбол клубуна бирдиктүү спорттук кийимдер тапшырылды

ОшМУнун ректору, волейбол клубунун президенти Кудайберди Кожобеков окуу жайдын волейбол клубуна спорттук форма тапшырып, ушул жылы өтүп жаткан КРнын Улуттук чемпионатындагы ийгиликтери менен куттуктады.  Мындан ары да клубдун ишмердүүлүгүн жакшыртуу боюнча комплекстүү иш-аракеттер болорун билдирди.

Аны менен бирге ОшМУнун профсоюз комитети да спортчу жигиттерибизди колдоп 21 100 сом акча каражатын бөлүп берди. Учурда Ош мамлекеттик университетинин " Университет-ОшМУ" волейбол клубу Кыргыз Республикасынын Улуттук чемпионатынын финалдык баскычына өткөн. Финалдык бөлүгү июнь айында Ош шаарында өтүүсү күтүлүүдө. " Университет-ОшМУ" волейбол клубу 2019-жылы негизделген.

Маалыматты даярвдаган: ОшМУнун КБКнын башкы адиси А.Айтыкулова