Сузакта тегерек стол

      Кыргыз Республикасынын Билим жана илим кызматкерлер  профсоюзунун Борбордук комитети тарабынан жарыяланган “2017-жыл – тармактагы адептүүлүк жана укуктук маданият жылынын” алкагында 2017-жылдын 23-мартында №90 Манас атындагы инновациялык мектептин имаратында билим берүү кызматкерлеринин ортосунда тегерек стол профсоюздун Сузак райондук комитети тарабынан уюштурулду.

      Тегерек столго Билим берүү жана илим кызматкерлеринин профсоюзунун Жалал-Абад областтык комитетинин уюштуруу бөлүмүнүн башчысы А.Бегматов, профсоюздун Сузак райондук комитетинин төрагасы А.Орозалиев, райондук билим берүү бөлүмүнүн башкы адиси  Г.Бейшеева, Ырыс айылдык кеңешинин депутаты М.Усманов, Көк-Арт айыл өкмөтүнүн башчысынын социалдык маселелер боюнча орун басары Т.Парпиевдер катышышты.

     Тегерек столдун жүрүшүндө педагогикалык кызматкерлердин укуктары жана милдеттери, Мыйзамдар тарабынан педагогдордун укуктарынын корголушу, алардын социалдык-экономикалык жактан кызыкчылыктарын коргоо боюнча тийиштүү уюмдардын жоопкерчиликтери жөнүндө маселелер талкууланды.

Профсоюздун Сузак райкомунун

 басма сөз катчысы: З.Киргизбаев