Сузакта Афган согушунун ардагерлерине сый көрсөтүлдү

Жалал-Абад областына караштуу Сузак райондук кесиптик бирлигинин Сузак райондук комитетинин демилгеси боюнча Афган согушунун 31 жылдыгына карата билим берүү кызматкерлеринин арасындагы Афган согушунун ардагерлери менен жолугушуу өткөрүлүп, аларга майрамга карата кесиптик бирлик тарабынан акчалай сыйлыктар жана сый тамак берилди.

Бул иш-чарага Сузак райондук билим берүү бөлүмүнүн башчысы Т.Ж.Усенов, кесиптик бирликтин төрагасы А.Д.Орозалиев катышып, Афган согушунун ардагерлеринин майрамы менен куттукташты.

Мугалимдер, Афган согушунун ардагерлери жыл сайын аларга сый-урмат көрсөтүп келе жатышкан райондук билим берүү бөлүмүнө жана кесиптик бирликтин райондук комитетине терең ыраазычылыктарын билдиришти.

Маалыматты даярдаган: Сузак райондук кесиптик бирлик комитети