Спорттук мелдеш

Аксы районундагы Н.Мамбетов атындагы орто мектебинде спорттун волейбол, теннис, шахмат жана тогуз коргоол түрү боюнча мугалимдер арасында спорттук мелдеш өткөрүлдү. Спорт оюнунун биринчи туру аймактагы мектептер арасында өткөрүлдү. Кербен 1 аймагында У.Турдубаев, З.Кутманова, С.Шатманов, А.Абдырахманов, А.Бегимкулова жана Н.Мамбетов мектебинин кесиптик бирлик мүчөлөрү мелдешти. Бул спорттук мелдеш райондук билим берүү кызматкерлеринин кесиптик бирлик комитети тарабынан уюштурулду. 1-орунду ээлеген оюнчулар райондук турга жолдомо алышат. Жеңүүчүлөргө кесиптик бирлик комитети тарабынан баалуу белектер, Ардак грамоталар берилет. Оюнду ачып берүү үчүн мектептин директору Калыбек Урустемовго сөз берилди. Аймактардан келген командаларга ийгилик каалап, жакшы каалоолорду айтып өттү. Спорттун волейбол, теннис, тогуз коргоол түрүнөн 1-орунду Н.Мамбетов мектеби ээледи. Жеңүүчүлөргө райондук спартакиадада ийгилик каалайбыз.

Маалыматты даярдаган: Н.Мамбетов ат. о.м. КБК төрайымы Н.Тотоева