ОшТУда Нооруз майрамы

Ош технологиялык университетинде Нооруз майрамын утурлай майрамдын негизги тамагы сүмөлөктү бышыруу үчүн буудай өндүрүлүп, сүмөлөк кайнатылып, концерттик программа тартууланды. Иш-чара окуу жайдын жетекчилиги, кесиптик бирлик комитети жана технология жана жаратылышты пайдалануу факультети тарабынан уюштурулду. Майрамга университеттин жетекчилиги, профессордук-окутуучулар курам жана студенттер катышты.

Майрамдык кечени университеттин ректору Жанболот Турсунбаев ачып, жалпы жамаатты Нооруз майрамы менен куттуктады.

Иш-чара технология жана жаратылышты пайдалануу факультети тарабынан кыргыз элинин каада-салттары, үрп-адаттары боюнча даярдалган көрүнүштөр, ыр-бийлер менен коштолду. Ошондой эле акыйнек айтылып, аркан тартыш сыяктуу улуттук оюндар аткарылды, студенттердин, окутуучулардын колдорунан жаралган кийимдердин коллекциясы көрсөтүлдү.

Майрамдык иш-чарага окуу жайдын ректораты жана кесиптик бирлиги демөөрчүлүк кылды.

Маалыматты даярдаган: ОшТУ кесиптик бирлик комитети