ОшМУда окутуучулар ортосундагы спартакиада

ОшМУда окутуучулар ортосундагы спартакиадада Медициналык колледждин спортчулары I орунду багындырды 

Ош мамлекеттик университетинде профессордук-окутуучулук курамынын ортосунда өткөрүлгөн спартакиада жыйынтыкталып, жеңүүчүлөр сыйланды.

Спорттун 5 түрү боюнча волейбол, баскетбол, стол тенниси, тогуз коргоол жана шахмат боюнча мелдешке окуу жайдын бардык факультетинен жана колледжинен командалар катышышты.

Жыйынтыгында командалык эсепте Медициналык колледждин спортчулары 1-орунду, Бизнес жана менеджмент факультетинин командасы 2-орунду, Табият таануу жана география факультетинин командасы 3-орунду багындырып ректорат жана профсоюз уюму тарабынан диплом, кубок, акчалай сыйлыктар менен сыйланышты. Ошондой эле мыкты оюн көрсөткөн спортчуларга да сылыктар тапшырылды. Оюндун байге фонду 30 миң сомду түздү.