ОшМУда окутуучулар жана студенттер акысыз медициналык кароодон өттү

ОшМУда 7-апрель - Бүткүл дүйнөлүк ден соолук күнүнө карата иш-чара өттү. Анда Дипломдон кийинки жана үзгүлтүксүз медициналык билим берүү борбору жана кесиптик бирлик комитети окуу жайдын студенттерин жана кызматкерлерин акысыз медициналык кароодон өткөрдү. Иш-чарада окуу жайдын клиникалык базаларында эмгектенген ординаторлор неврология, кардиология, эндокриналогия, терапия, ЛОР, офтальмоло́гия, гастроэнтерология, стоматология багыттары боюнча келген окутуучуларды жана студенттерди акысыз кароодон өткөрдү. Айрымдары дарыгердин сунушу менен көчмө ЭКГга түшүп, кант диабети боюнча  анализдерин  тапшырышты.

“Бүткүл дүйнөлүк ден соолук күнүнө карата уюштурулуп жаткан акысыз медициналык кароо  окуу жайда гана эмес шаар тургундары үчүн да өтөт. 8-апрелде биздин ординаторлор эл көп болгон Ош шаарындагы “Глобус” жана “2 Прораба” гипермаркеттеринде саат 9-00дөн 15-00гө чейин  ушундай эле акысыз кароо өткөрөт. Анда педиатрлар  да болот”,-деди Дипломдон кийинки жана үзгүлтүксүз медициналык билим берүү борборунун директору Анара Жанбаева. ОшМУнун кесиптик бирлик комитети тарабынан 12 000миң сом акчалай каражат бөлүнүп берилди.

Маалыматты даярдаган: ОшМУнун КБКнын башкы адиси А.Айтыкулова