Мугалимдер сыйланды

Билим жана илим кызматкерлеринин кесиптик бирлигинин Баткен областтык комитети тарабынан 2021-жылдын 8-апрелинде Баткен шаарында жайгашкан областтык гимназия жатак-мектебинин, предметтик олимпиаданын областтык турунда мыкты жыйынтык көрсөткөн окуучулардын даярдаган мугалимдерине дем куч берүү жана материалдык моралдык жактан колдоо көрсөтүү максатында 9 мугалимге областтык комитеттин сыйлыктары тапшырылды.

Мындан тышкары областтык гимназия мектебинин камкорчулар кенеши тарабынан да олимпиаданын жыйынытыгына жараша мугалимдерге жана окуучуларга сыйлыктар уюштурулган.

Бул иш-чара жыл сайын олимпиаданын областтык турунун жыйынтыгы боюнча өткөрүлүп келет жана областтык комитет тарабынан мугалимдерге өз колдоолорун көрсөтүп дем берип келүүдө.

Иш-чаранын жыйынтыгында мугалимдер жамааты профсоюздун колдоосуна ыраазычылыктарын билдиришти.

Маалыматты даярдаган: Баткен облпроф комитетинин адиси К. Акимов