Ноокенде мектепке чейинки билим берүү мекемелеринин семинар кеңешмеси болуп өттү

2019-жылдын 25-январь күнү Ноокен районунун Сакалды айыл өкмөтүнө караштуу №14 “Нооруз” балдар бакчасында зордук-зомбулук, жашы жете элек балдарга карата кылмыштуулуктун алдын алуу максатында семинар-тренинг болуп өттү. Бул семинарга Ноокен рай КБКнын төрагасы К. Нышанов, Ноокен райБББнүн мектепке чейинки мекемелер боюнча адиси У.Шамаматова, айыл башчысы Э.Субанов, Ноокен РИИБнүн кызматкерлери ата-энелер жана райондогу мектепке чейинки билим берүү мекемелеринин жетекчилери катышты. Үй-бүлөдөгү зордук-зомбулук, анын балага тийгизген таасири жөнүндө видеороликтер көрсөтүлүп, кенен талкуу жүргүзүлдү. Бириккен Улуттар Уюму тарабынан кабыл алынган "Балдардын укуктары жөнүндөгү конвенция", Кыргыз Республикасынын "Балдар жөнүндөгү кодекси" тууралуу ата- энелерге кенен түшүндүрүлүп, суроо-жооптор болду. Семинар-тренингдин акырында ата-энелерден ушундай семинарлар мектеп, бакчаларда көбүрөөк өткөрүлсө, зордук - зомбулуктун, балдарга карата жасалып жаткан кылмыштардын алдын алган болот элек деген сунуштар түштү. Иш чаранын акырында бакчанын тарбиялануучулары тарабынан чакан концерттик номерлер тартууланды.

№42 «Нур-Айым»  балдар бакчасынын

 директору К. Мурашева