Мугалимдер күнүнө карата салтанаттуу иш-чара

5-октябрь-Мугалимдердин Эл аралык күнүнө карата Көк-Жаңгак шаарынын маданият үйүндө шаардык билим берүү бөлүмү тарабынан уюштурулган майрамдык иш-чара өткөрүлдү.

Иш чаранын жүрүшүндө Көк-Жаңгак шаарынын мэри Сыргак Замирбек уулу, шаардык билим жана илим кызматкерлеринин кесиптик бирлигинин төрайымы Ж.А.Рысмамбетова жана шаардык билим берүү бөлүмүнүн башчысынын у.м.а. Н.А.Джолдошева, билим берүү уюмдарынын жетекчилери, мугалимдер жана коноктор катышышты.

Иш-чаранын алкагында  Көк-Жаңгак шаардык мэриясы, шаардык билим берүү бөлүмү, шаардык билим жана илим кызматкерлеринин кесиптик бирлик комитети  менен биргеликте уюштурулган билим берүү уюмдарынын жетекчилерине,  билим берүү кызматкерлерине, ардагер мугалимдерге Ардак Грамота, төш белги, күбөлүк жана баалуу белектер тапшырылды.