Мектепке чейинки билим берүү мекемелеринде профсоюз уюмдарынын иши жанданды

     Кара-Суу райондук билим берүү бөлүмүнүн карамагында мамлекеттик  мектепке чейинки билим берүү мекемеси жалпысынан 78 , аларда 1625 кызматкер эмгектенет.

   2018-жылдын 1-март күнү Кара-Суу шаарында жайгашкан № 2 «Мөлтүр булак» мектепке чейинки билим берүү мекемесинде райондук семинар пландаштырылып өткөрүлдү. № 2 «Мөлтүр булак» баштапкы профсоюз уюмдарынын төрайымдары бүгүнкү күндө 9 тайпада ( группада ), 329 жаш жеткинчек тарбияланууда. Бала бакчада жалпысы 36 кызматкер эмгектенет алардын ичинен  15 мугалим жаш жеткинчектерге билим-тарбия беришет.

    № 2 «Мөлтүр булак» мектепке чейинки билим берүү  мекемеси, мектепке чейинки балдарды тарбиялоо, окутуу жана өнүктүрүүнүн базистик жана «Балалык» программалары негизинде иш алып барат.  Семинарда пландаштырылган иш-чаралар жогорку деӊгээлде уюшкандыкта өтүп, келген баштапкы профсоюз уюмдарынын төрайымдарына практикалык-методикалык жардам  алышып,  өздөрүнүн жакшы ой-пикирлерин билдиришти.

    Мындан тышкары семинардын жүрүшүндө баштапкы профсоюз уюмдарынын төрайымдары 6 топко бөлүнүшүп Кара-Суу райондук билим берүү кызматкерлеринин профсоюз комитети тарабынан укуктуулук, мыйзамдуулук  жана Эмгек кодекисинин айрым бир беренелери боюнча  даярдалып келинген суролордун  негизинде талкуу жүрдү.