Мектеп окуучуларынын Республикалык олимпиадасынын III этабы болуп өттү

2018-жылдын 26-27-февраль күндөрү мектеп окуучуларынын Республикалык олимпиадасынын III этабы Кадамжай шаарында “Семетей” лицейинин базасында өткөрүлдү.

Кызыл-Кыя шаардык билим берүү бөлүмүнө караштуу жалпы билим берүүчү мектептерден шаардык предметтик олимпиаданын жеңүүчүлөрү болгон 24 окуучусу областтык олимпиадага катышып келишти. Областтык олимпиада 12 предмет боюнча, эки тур менен өтүлдү. 1-турда окуучулардын теориялык билими, 2-турда практикалык билимдери боюнча сыноодон өтүштү. Областтык олимпиаданын жыйынтыгы боюнча Кызыл-Кыя шаардык билим берүү бөлүмүнө караштуу мектептердин окуучулары төмөндөгүдөй орундарга ээ болушту:

1-орун:

1)      орус тили- №1 Д.М.Карбышев атындагы орто мектебинин 11-классынын окуучусу;

2)      география- №1 Д.М.Карбышев атындагы орто мектебинин 11-классынын окуучусу;

2-орун:

1)      География- №1 Д.М.Карбышев атындагы орто мектебинин 10-классынын окуучусу;

2)      Тарых- №2 Кыргызстандын 50 жылдыгы атындагы орто мектебинин 11-классынын окуучусу

            3-орун:

1)       Англис тили- №10 А.П.Гайдар атындагы орто мектебинин 10-классынын окуучусу

Байгелүү орундарды ээлеген окуучуларды даярдаган мугалимдерге шаардык профсоюздук комитетинен өзгөчоө көӊүл бурулат, ошондой эле  2018-жылдын 30-мартында өтүүчү Республикалык предметтик олимпиадага 1-2-орундарга ээ болушкан 4 окуучу  катышууга жолдомо алышты.