Карыларга камкордук

    Бишкек гуманитардык университетинин бириккен профсоюздук комитети студенттер менен биргеликте 30-мартта  Ысык-Ата районундагы  “Төмөнкү Серафимовка” айылында жайгашкан карылар үйүнө барып кайрымдуулук акциясын уюштурду. Иш чаранын жүрүшүндө айлана-чөйрөсүн тазалоо менен бирге, карыларга жагымдуу маанай тартуулоо максатында студенттер тарабынан даярдалган чакан программадагы концерт уюштурулду. Окуу жайдын жетекчилиги тарабынан гуманитардык жардам көрсөтүлсө, профсоюздук комитет барып келген жол чыгымдарын мойнуна алды.