Эмгекти коргоо боюнча окутуу-семинары

2024-жылдын 25-сентябрында Баткен областындагы Лейлек районунун  Раззаков шаарында Кыргызстан Кесиптик бирлик Федерациясынын алдындагы окутуу борбору тарабынан окутуу-семинары өткөрүлдү.

Окутуу- семинарга  кесиптик бирликтин бардык тармактык  областтык комитеттеринин төрагалары,  билим жана илим кызматкерлеринин кесиптик бирлигинин мектеп жана мектепке чейинки билим берүү уюмдарынын баштапкы кесиптик бирлик комитетеринин төрага-төрайымдары катышышты.

Семинардын алкагында  катышуучуларга кесиптик бирлик ишмердүүлүгүндөгү жүргүзүлүүчү иш кагаздар менен тааныштыруу, кызматкерлердин эмгек жаатындагы укуктары жана милдеттери жөнүндө түшүндүрмө берүү,
кесиптик бирликтин артыкчылыктары жөнүндө маалыматтар берилип, актуалдуу суроо-жооптор менен жыйынтыкталды.

Ушул эле семинар бүгүн 26-сентябрда Баткен шаарында да уюштурулуп,   ага областтагы бардык тармактык кесиптик бирлик комитетеринин баштапкы уюмдарынын төрага,төрайымдары жана Баткен областтык комитетинин төрагасы З.Бөтөков катышууда.

Маалыматты даярдаган: Кесиптик бирликтин Лейлек райондук  жана Баткен обласаттык комитеттери