Эл аралык балдарды коргоо күнү салтанаттуу белгиленди

     «1-июнь - Эл аралык балдарды коргоо» күнү Ысык-Көл областынын Ак-Суу районунун борбору Теплоключенка айылында  салтанаттуу өткөрүлдү.  Райондун аймагындагы бардык 35 айылдардан келген, өлкөбүздүн келечеги болгон жаш жеткинчектерди куттуктоого райондук мамлекеттик администрация башчысы-аким У.Дөкөнбаев, райондук билим берүү бөлүмүнүн башчысы М.Темиралиев, РК профсоюздун төрагасы Э.Садабаев,  айылдык Кеңештин депутаттары, айыл өкмөтүнүн башчылары келишти.

     Теплоключенка айылында  Билим фестивалынын «Балдар ааламы» алкагында  төмөндөгүдөй  иш-чаралар жүргүзүлдү.

• Жомок дүйнөсү:

- мультфильм көрсөтүү

- пазлдар менен иштөө ( сүйүктүү мультфильмдеги сюжеттер)

• Мастер класстары:

- флористика

- оригами

- ташка сүрөт тартуу

- граттаж

- квилинг

- карвинг

• Профессионалдуу форум классы:

- адистин кеңеши (туура тамактануу, 1-жардам, дарылоо физкультурасы)

• Жалпыга тийиштүү билим классы:

- илимий тасма (Ак илбирс)

- экологиялык оюн-зоок

• Кагазга сүрөт тартуу (Ыйман, адеп жана маданият жылына карата)
• Спорттук оюндар

- улуттук оюндар (жоолук таштамай, экиден турмай, ак терек-көк терек, аркан тартыш ж.б.)

- эстафета жана кыймылдуу оюндар

• Шахмат турнири
• Концерттик-театралдык класс

«Балдар шоу» концерттик программасы

• 1-июнда төрөлгөн балдарды куттуктоо
• Балмуздактарды таратуу
• Бишкектен келген цирк оюндары

- клоундар

- арканда басуучулар

      Бул  иш чарага Теплоключенка айыл өкмөтү жана демөөрчүлөр  тарабынан 40миң сомго жакын акча каражаты бөлүнүп берилди. Кароо-сынактын жеӊүүчүлөрүнө баалуу белектер жана алкыш баракчалары тапшырылды. Жаш жеткинчектер ыр-бийлерди аткарышып райондун жетекчилиги тарабынан көрүлгөн камкордуктарына ыраазычылык билдиришти.

                                                         Айжан Төрөева,

Ак-Суу райондук профсоюз комитетинин башкы адиси.