Борбордук Комитеттин төрагасы Ноокенде өнөктөштөр менен жолугушту.

Кыргыз Республикасынын  билим  жана  илим  кызматкерлеринин  профсоюзунун төрагасы  Асылбек  Токтогулович  Токтогулов  2020-жылдын  21-декабрында   иш   сапары  менен  Ноокен  районунда  болду. Төрага  райондо билим  берүү  кызматкерлеринин  социалдык-экономикалык  көйгөйлөрүн чечилиши менен жакындан  таанышуу максатында  Ноокен  райондук  мамлекеттик администрациясынын  башчысы-аким  Осмонов  Абдрахман  Куватович менен  жолугушуп  пикир  болушту. А.Т.Токтогулов  акимди  кайрадан   кызматына дайындалгандыгы  менен  куттуктап,  социалдык  өнөктөш  катарында  билим  берүү  кызматкерлеринин  кадыр-баркын  ашырүү үчүн биргеликтеги  иш  аракетерге  ийгиликтер  каалады. Аким  райондо билим  берүү  тармагындагы ийгиликтерге  токтолуп,  тармактын  окуу-материалдык  базасын  чыңдоо,  билим  берүү  кызматкерлерин социалдык-экономикалык маселелерин  чечүүнү  3  тараптуу  макулдашуулар  менен ишке ашыруу  чаралары  тууралуу  айтып  берди.  Жолугушуга Жалал-Абад  обкомунун  төрагасы   А.Исмаилов, райондук билим  берүү бөлүмүнүн башчысы  Н.Олжобаев, райкомдун  төрагасы  К.Нышановтор  катышты.

Материалды  даярдаган:  Обкомдун  инспектору-А.Айдаров.