БМУнун окутуучу-профессордук курамы жана кызматкерлери үчүн кышкы эс алуу

Билим жана илим кызматкерлеринин К.Карасаев атындагы Бишкек мамлекеттик университетинин кесиптик бирлик комитети тарабынан окуу жайдын окутуучу-профессордук курамы жана кызматкерлери үчүн Кашка-Суу эс алуу жайында бир күндүк кышкы эс алуу уюштурулду.

Иш-чаранын негизги максаты –  билим берүү кызматкерлерине сергек жашоо образын жайылтуу, эс алуу үчүн жагымдуу шарттарды түзүү болду. Катышуучулар кыштын кооз табиятынан ырахат алып, таза абада активдүү оюндарга катышышты. Мындан тышкары БМУнун билим берүү кызматкерлери үчүн  ысык чай жана даамдуу тамак-аш уюштурулду.

БМУнун кесиптик бирлик комитети тарабынан кызматкерлердин ден соолугуна кам көрүп, аларга эс алуу мүмкүнчүлүгүн түзүү   жана команда менен биргелешкен иш-чараларды уюштуруу салты улантулууда.