Баткен шаары мугалимдерди колдойт

Кыргыз Республикасынын "Мугалимдин статусу жөнүндө мыйзамынын" 8-беренесине жана Баткен шаарынын Мэриясынын (мэр М.Рахимов), Баткен шаардык билим берүү бөлүмүнүн (башчысы А.Ахматбеков) жана билим берүү кызматкерлеринин профсоюзунун Баткен шаардык комитетинин (төрайым М.Калыкова) ортосунда 2020-2022-жылдарга түзүлгөн үч тараптуу макулдашууга ылайык жыл сайын мугалимдерге ар кандай колдоолор көрсөтүлүп келүүдө. 2021-жылдын 9-апрелинде жергиликтүү  бюджеттин эсебинен, проф.бюджеттен окуучулары предметтик олимпиаданын областтык турунда байгелүү орундарды камсыз кылган 15 мугалимге колдоолор  көрсөтүлдү. Атап айтсак: жергиликтүү бюджеттен 47000 сом, профсоюздук бюджеттен 8000 сом акчалай колдоо көрсөтүлдү. Акчалай колдоо көрсөтүү окуучунун ээлеген ордуна жараша болду. Баткен шаарынын окуучулары предметтик олимпиаданын областтык турунда 1-орунду 3 окуучу, 2-орунду 5 окуучу, 3-орунду 7 окуучу камсыз кылып, жалпы 15 окуучу байгелүү орундарды ээлешти.

Албетте жергиликтүү бийлик органынын мугалимдерге мындай колдоосу мугалимдердин мындан жакшы ийгиликтерине жетүүсүнө ишеним жана дем берет.

Материалды даярдаган: Баткен шаарпроф комитетинин төрайымы М.Калыкова