Баштапкы кесиптик бирликтин жетекчилери сыйланды

Жакында Билим берүү кызматкерлеринин кесиптик бирлигинин Баткен областтык комитети тарабынан областтагы  баштапкы кесиптик бирлик комитеттеринин төрагаларынын жана төрайымдарынын  ишмердүүлүгүн жана укуктук билимдерин арттыруу максатында өткөрүлгөн онлайн тесттин жыйынтыгы чыгарылды. 7-мартта Баткен району жана Баткен шаарынын баштапкы профсоюз уюмунун төрага,төрайымдары областтык комитеттин ыраазычылык каттары жана акчалай сыйлыктары менен сыйланышты.

Баткен шаарындагы сыйлоо иш чарасына Билим берүү кызматкерлеринин кесиптик бирлигинин Баткен областтык комитетинин төрагасы З.Ботоков, Баткен областтык усулдук борборунун директору О.Эркебаев, Баткен райондук билим берүү бөлүмүнүн башчысы О.Мажилимов жана Баткен шаардык профсоюз комитетинин төрайымы М.Калыкова менен Баткен райондук профсоюз комитетинин төрагасы А.Зайитов катышышты.

Маалыматты даярдаган: областтык КБКнын уюштуруу иштери боюнча адиси Гапарали у.Мансур