Ата-энелердин кароо-сынагы

Кадамжай районуна караштуу Майдан айыл өкмөтүндөгү ”Гүл бакча Исфайрам” балдар бакчасында чоң иш-чара болуп өттү.

Иш-чарага эки тайпанын ата-энелери катышты. Анда сүмөлөк бышырылып, көргөзмөлөр коюлуп, 7 шарт менен сынак өткөрүлдү. Сынактын максаты “Энелер мектебинин” алкагына эне менен баланын ортосундагы мээриминин чексиздигин ачык-айкын көрсөтүү.

Ал жогорку денгээлде уюштурулуп, катышкан ата-энелерге жана тайпанын балдарына баалуу белектер жана Ардак грамоталар берилди.

Сынакка Билим жана илим кызматкелеринин кесиптик бирлигинин Кадамжай райондук комитетинин төрагасы Момошов Абдуалим, балдар бакчасынын жетекчилери жана тарбиячылары катышышты.

Иш-чара кесиптик бирликтин Кадамжай райондук комитетинин колдоосу менен өткөрүлдү.

Маалыматты даярдаган: Кадамжай райондук КБКнын уюштуруучу адиси  У.Халилова