Акимдин алгылыктуу иштери

Кыргыз Республикасынын  Эгемендүүлүгүнүн 30 жылдыгына карата алдыңкы билим берүү кызматкерлерине өзгөчө камкордук көрүү менен райондук мамлекеттик  администрациясынын башчысы-аким Каныбек Сагынбекович Апбасов 25 билим берүү кызматкерлерине Чолпон–Ата шаарындагы «Ак-Толкун» эс алуу жайына 3 күндүк жолдомо тапшырды.

Мындай саамалык райондо 1-жолу болуп жаткандыктан жолдомого ээ болгон алдыңкы мугалимдер ыраазычылыктарын билдиришти.

Ал эми айыл өкмөт башчылары, мекеме – ишканалардын жетекчилери эс алуучулар үчүн алып барып келүүчү автоуналардын жол кирелерине жардам беришти.

Билим  берүү  кызматкерлеринин райондук профсоюз комитети тарабынан эс алуучулардын жолдогу тамак-аштары жана эс алуулары үчүн 20 000 (жыйырма миң) сом акчалай колдоо көрсөтүлдү.

Үч тараптуу  келишимдин алкагында (Алай  райондук  мамлекеттик  администрация - райондук билим берүү  бөлүмү - райондук профсоюз  комитети) мындай  саамалык билим берүү кызматкерлерине дем берип окуу-тарбия иштеринин  сапатына  мыкты  таасирин  тийгизет  деген  ишеничтебиз.

Эң мыкты мугалимдерди келерки жылы спонсорлорду тартуу менен Турцияга жөнөтүү жагы да пландаштырылууда.

Маалыматты даярдаган: Алай райондук КБКнын төрагасы А.К.Абдыкадыров